LUKAS 19:26 - BIBEL JAMITA NA DENGGAN

²⁶ Dialusi raja i ma, ‘Hudok ma di hamu: Halak na maradong, lehenon muse dope tusia umbahat. Tapi anggo halak na so maradong, dibuat muse dope sian ia na adong disia.

LUKAS 19:26 Iomraidhean Croise

2 SAMUEL 7:15

Tapi nada mantak Au manghaholongi ia songon na dung Huantak manghaholongi si Saul. Madung Hubaen songon i maradopkon si Saul, anso ho gabe raja.

MASMUR 109:8

Sai tibu nian marujung ngolu ni i, jana dibuat halak na asing jabatanna i.

MATEUS 13:12

Tu halak na maradong mur ditambai, anso mur bahat sajo. Tapi anggo tu halak na so maradong, dibuat muse noma sian ia na saotik i.

MATEUS 21:43

“Hara ni i Hudok ma tu hamu: Buaton do Harajaan Ni Debata sian hamu jana nilehen ma i tu sada bangso na marbatuhon parbatu ni Harajaan i. [

MARKUS 4:25

Angke, tu halak na maradong, lehenon dope disia umbahat. Tapi anggo sian halak na so mardiha-diha, hum sisaotik nari na tinggal i disia, dibuat muse dope i sian ia.”

LUKAS 16:3

Jadi marpikir ma bendahara i, ‘Aha do ulaning sibaenonku saonnari? Angke antahon ni tuanki ma au. Muda giot mamangkur, inda margogo be au, dung i mangido-ido maila au.

LUKAS 19:25

Didok angka jolma i ma tu raja i, ‘Tapi madung sampulu kibung hepeng sere disia.’

LUKAS 8:18

Antong parrohahon hamu ma tangkas sanga songon dia parbinegemunu. Angka halak na dung marnampuna, nitambaan muse dope disia. Tapi halak na so adong diha-dihana, dibuat muse dope sian ia sanga aha na nietongnia adong disia.”

BAENON NI ANGKA RASUL 1:20

“Angke tarsurat muse do di Buku Masmur songon on, ‘Gabe halongonan na lungun ma ingananna i; anso ulang adong halak maringanan disi.’ Laing tarsurat muse do songon on, ‘Halak na asing noma manggonti tohonanna.’ ”

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.

HALUMBAAN 2:3

Huboto do na sobar hamu dohot na manaon parkancitan hara ni goarKu, hape laing nada pola mandele hamu.

HALUMBAAN 3:11

Ligi ma! Tibu do Au ro! Tiop ma na adong di ho, anso ulang adong na mambuat tukumi.

1 SAMUEL 15:28

Dung i didok si Samuel ma tusia, “Sadari on ma disibakkon Tuhan harajaan Israel sian raja i, jana dilehen ia tu halak na asing na umburju sian raja i.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.