LUKAS 18:5 - BIBEL JAMITA NA DENGGAN

⁵ tapi dibaen sai ro na mabalu i mangganggu au, dumenggan ma hubela parkaronia i, anso ulang sai ro be ia mangganggu au.’ ”

LUKAS 18:5 Iomraidhean Croise

NEHEMIA 6:4

Jabat opat noli ditonahon halahi laing sarupa tonana i tu au, jana laing sarupa muse antong alusna hubaen.

MATEUS 15:23

Umpe sahata dialusi Jesus. Jadi ning halahi ma, “Paorot ma da anak boru i Guru. Hum na manggaori sajo do ia di pudinta!”

LUKAS 11:8

Hudok ma di hamu: “Haru pe dongannia ho, nada ra be ia ngot laho mangalehen bagi aha di ho. Tapi hara ni sai torus do ho mangido tusia, gabe ngot muse ma ia laho mangalehen tu ho sanga aha na nihaporluhonmi.

LUKAS 18:3

Di kota i laing adong muse do sada halak ina na mabalu na sai ro tu panguhum i, mangidohon anso dibela parkaronia. ‘Tolong ma au maradopkon alongku,’ ninna ina na mabalu i.

LUKAS 18:39

Tapi digorahon angka halak na di jolo i ma ia, jana di pasip ma ia. Hape mur digogoi ia muse do na marsurahi i, “O Anak Ni si Daud! Ibo ma rohaMu mida au!”

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.

HAKIM-HAKIM 16:16

Dipupu si Delila ma ganop ari murngis-urngis dohot mangelek-elek, lopus loja si Simson umbegesa.