LUKAS 18:43 - BIBEL JAMITA NA DENGGAN

⁴³ Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

LUKAS 18:43 Iomraidhean Croise

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

MASMUR 30:2

Tu Ho do au pio-pio, ale Tuhan Debatangku, jadi gabe dipamalum Ho au.

JESAYA 35:5

Ungkapon ma mata ni na mapitung, sumuang ma parbinegean ni na maingol.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 43:21

Madung Hubaen bangso Israel gabe hapunjunganKu, laho mangendehon puji-pujian di Au.”

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

LUKAS 13:17

Gabe maila ma sude angka alo ni Jesus hara ni alusNia i, tapi anggo halak na asing i jop do rohana mida sude hahomangan na nibaen ni Jesus i.

LUKAS 19:37

Jadi dung marayak lalu Jesus tu Jerusalem, di panuatan na di Dolok Zetun, marsurahi ma halak na bahat angka na mangihutkon Jesus mamuji-muji Debata dohot sora na gogo, hara ni sude hahomangon na niida ni halahi.

LUKAS 4:39

Jadi, jongjong ma Ia di lambung ni dadaboru i, jana disonggak Ia ma nyae i. Dung i ditadingkon nyae i ma ia, manigor jongjong ma dadaboru i mangoloi halahi.

LUKAS 5:26

Homang sajo ma halahi sude hara ni mogana. Mardongan biar ni roha didok halahi ma, “Hahomangan na tutu situtu ma na taida sadari on!”

LUKAS 9:43

Homang-komang ma sude halak marnida kuaso ni Debata na songon i godangna. Jadi hatiha homang-komang dope halahi marnida sude na nibaen ni Jesus i, didok Jesus ma tu angka siseanNia i,

BAENON NI ANGKA RASUL 11:18

Jadi dung dibege halahi hata nangkinan i, nada be sai dialo halahi si Petrus. Dung i dipuji halahi ma Debata. Didok halahi ma, “Antong dipadohot Debata do halak na so marugamo Jahudi laho paubahon roha sian angka dosana be anso mangolu halahi.”

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

BAENON NI ANGKA RASUL 4:21

Nada adong dapot angka na marrapot i sada dalan pe laho manguhumi si Petrus dohot si Johannes. Jadi diondam halahi ma rasul na dua i, dung i dipalua ma halahi na dua, angke sudena halak na bahat i gabe mamuji-muji Debata do hara ni na masa i.

GALATIA 1:24

Gabe dipuji halahi do Debata hara ni au.

1 PETRUS 2:9

Tapi anggo hamu, bangso na Hupili do hamu, angka harajaan hamalimon, bangso na badia, bangso hapunjungan ni Debata. Ia do na mamiohon hamu haruar sian hagolapan anso masuk tu bagasan sinondangNia na tumorang i, anso pararatonmunu barita taringot tu angka pambaenanNia na godang i.