LUKAS 18:3 - BIBEL JAMITA NA DENGGAN

³ Di kota i laing adong muse do sada halak ina na mabalu na sai ro tu panguhum i, mangidohon anso dibela parkaronia. ‘Tolong ma au maradopkon alongku,’ ninna ina na mabalu i.

LUKAS 18:3 Iomraidhean Croise

JOB 22:9

Nada diurupi ho angka na mabalu, salangkan na tinggal menek pe laing diparhanciti ho.

JOB 29:13

Dipuji halak na marhasusaan situtu do au, huurupi do lopus sonang angka na mabalu.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

MATEUS 5:25

Sugari adong ma halak na mangaduhon ho tu paruhuman, jolo mardame ma ho tusia salolot tarbaen dope. Harana nada lalu dope tu sidang. Anggo so jolo diusahohon ho do pardamean, pasahaton ni bayo i ma ho tu panguhum. Pasahaton ni panguhum i muse ma ho tu soridadu. Baru ma dipamasuk soridadu i ho tu hurungan.

LUKAS 18:2

Ninna Jesus ma, “Di sada kota adong ma sada panguhum na so mabiar mida Debata, jana na so mangargahon jolma.

LUKAS 18:4

Tarhonok do inda ra panguhum i manolong na mabalu i. Tapi ujungna didok panguhum i ma di bagasan rohania, ‘Haru so mabiar pe au tu Debata jana inda huargahon jolma,

LUKAS 18:5

tapi dibaen sai ro na mabalu i mangganggu au, dumenggan ma hubela parkaronia i, anso ulang sai ro be ia mangganggu au.’ ”

PANGARATAION 27:19

‘Bura ni Debata ma di halak na mangarampas hak ni halak sileban, dakdanak na so marama so marina dohot na mabalu.’ Dung i sude ma bangso i mandok: ‘I ma tutu!’