LUKAS 18:22 - BIBEL JAMITA NA DENGGAN

²² Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

LUKAS 18:22 Iomraidhean Croise

MASMUR 27:4

Hum sada do na hupangido tu Tuhan, hum i ma na huhalungunkon: Tinggal di Bagas Ni Tuhan salolot ni ngolungku, laho mandai hadengganan ni Tuhanku jana mangido panogunoguonNa.

MATEUS 19:21

Didok Jesus ma tusia, “Muda por rohamu gabe sun denggan ho, kehe ma ho manggadis sude sinadonganmu. Lehen ma hepengna i tu angka na pogos, dung i dapot ho ma arta di banua ginjang. Dung i ro ma ho tuson ihutkon ma Au!”

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.

LUKAS 18:21

Dialusi bayo i ma, “Sian na poso dope, madung huoloi sude parenta i.”

LUKAS 18:23

Umbege na songon i, gabe marsak ma bayo i angke halak na kayo situtu do ia.

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

PILIPPI 3:13

Nada na dung huhilala angka dongan, songon na dung di tanganku upa i. Tapi na adong do sada pangalaho na hubaen disi, huhalupahon na di pudingku jana hugogo parayak na adong di jolongku.

2 PETRUS 3:8

Tapi na saragam on nada tola lupa hamu: anggo di parnidaan ni Debata nada adong asing ni na sadari dohot na saribu taon – sarupa do i dua-dua.