LUKAS 18:18 - BIBEL JAMITA NA DENGGAN

¹⁸ Ro ma sahalak pamimpin marsapa tu Jesus, “Guru na denggan roha, aha dehe na angkon baenonku anso hutean hangoluan na so mantak i?”

LUKAS 18:18 Iomraidhean Croise

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

LUKAS 18:19

Disapai Jesus ma tusia, “Biasi didokkon ho Au na denggan roha? Nada adong halak na denggan roha asing sian Debata.

LUKAS 6:46

“Biasi dipio hamu Au, ‘Tuhan, Tuhan,’ hape so dioloi hamu na Hudok tu hamu?

BAENON NI ANGKA RASUL 16:30

Dung i dioban ia ma halahi tu ruar, didok ia ma, “Ale tuan, aha do sibaenonku anso dapot au haluaan i?” ning ia.

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”