LUKAS 18:13 - BIBEL JAMITA NA DENGGAN

¹³ Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

LUKAS 18:13 Iomraidhean Croise

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 JUJUR TAON 33:19

Di bagasan Buku Sejarah Ni Panurirang-panurirang disuratkon muse do tangiang ni si Manase dohot alus ni Debata tu tangiangnia i, songon i ma barita salaho tu angka dosania painte so muba rohania, angka inganan parsombaan ni gana-ganaan dohot angka patung ni Debata Asera na nibaennia, angka gana-ganaan na nisombania.

2 JUJUR TAON 33:23

Tapi asing sian amangnia i, nada patoruk roha si Amon jana nada mulak ia tu Tuhan; sumantak dope pardosaonnia sian amangnia i.

ESRA 9:6

Hudok ma, “O, ale Debatangku, maila do au mangangkat tanganku di adopanMu. Martimpa-timpa do dosanami di ginjang ni ulunami lalu dais tu langit.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

MASMUR 106:6

Laing songon angka ompunami, hami pe madung mardosa, madung hami baen na jahat dohot na manggaga.

MASMUR 119:41

Patuduhon ma ale Tuhan, sanga songon dia pangkaholongiMu di au, palua ma au hombar tu baga-bagaMu.

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 25:7

Sesa ma dosa dohot hasalaan di hatiha haposoonku, ingot ma au, hombar tu holong dohot denggan ni rohaMu.

MASMUR 40:12

Dirongomi parmaraan na jorbut do au na so taretong bilanganna. Diayak-ayak angka dosangki do au nada tarbaen au be mangaligi. Bilanganna lobi sabahat ni obuk na di ulungku, na mambaen manderse rohangku.

MASMUR 41:4

Ningku do, “Mardosa maradopkon Ho do au ale Tuhan, ibo ma rohaMu di au jana pamalum ma au.”

HARURUAR 33:10

Jadi muda dung diida halahi so tiang ombun i di pintu i, marsomba ma halahi di pintu ni bandarna be.

JESAYA 1:18

Ninna Tuhan do: “Ro ma hamu anso tapadenggan. Haru pe rara dosamu songon kirmisi, ias do baenonKu songon itak, haru pe rara songon hasumba, bontar do baenonKu songon hapas.

JESAYA 6:5

Dung i hudok ma, “O ale, mate noma au, angke mardosa do au markite-hite sude hatangku, boti muse na maringanan di tonga-tonga ni bangso na songon i muse do au. Umporan dope, harana madung diida matangku sandiri Raja, Tuhan Na Markuaso i!”

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

DANIEL 9:5

Madung mardosa hami, madung mambaen na jahat hami, boti mambaen hasalaan. Hami tinggalkon do parentaMu jana manyimbil do hami sian angka aturanMu.

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

MATEUS 6:5

“Muda martangiang hamu, ulang ma songon halak pangalancap. Na ringgasan halahi jongjong martangiang di angka bagas paribadatan dohot di sirpang-sirpang ni dalan, anso diida halak. Ingot hamu ma! Madung dijagit halahi upa ni halahi.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

MARKUS 11:25

Dung i muda martangiang hamu, hape inda sonang rohamu mida sada halak, angkon jolo sesaonmu hasalaan ni halakna i anso disesa Amangmunu na di banua ginjang i muse dosamunu.” [

LUKAS 17:12

Laho masuk tu sada huta, ro ma tuSia sampulu halak na huliton. Jongjong ma halahi sian na dao,

LUKAS 22:41

Dung i dipadao Ia ma saotik sian halahi, hira-hira sandanggur batu daona, marsinggang ma Ia martangiang,

LUKAS 23:48

Angka halak na marroan i pe tusi laho marnida na masa i, laing diida halahi do sude na tarjadi i. Gabe marsak sajo ma halahi sude di na marmulahan tu bagasna be.

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

BAENON NI ANGKA RASUL 2:37

Jadi dung dibege angka jolma i na songon i, manorusi ma tu ate-ate ni halahi. Dung i disapai halahi ma tu si Petrus dohot tu angka rasul na asing i, “Hamu angka dongan, aha noma sibaenonnami?”

SURAT NI SI PAULUS TU PARLAGUTAN ROM 5:8

Hape dipatidahon Debata do holong ni rohaNia mida hita, di na mate i Kristus humopkop hita dompak pardosa dope hita.

2 KORINTUS 7:11

Ligi hamu ma jolo antong sanga aha do na ro sian hamamarsak na sian Debata i! Gabe diparayak hamu ma laho padenggankon na gaor. I ma suhana! Gabe magigi hamu mida dosa, gabe mabiar hamu, malungun hamu, gabe marsitutu, gabe ra hamu manguhum na sala! Di bagasan sudena parsoalan on madung dipatuduhon hamu na so marsala hamu.

1 TIMOTEUS 1:15

Hata na tutu do pandohan on, na patut jagiton jana sihaporsayaan – : “Ro pe Kristus Jesus tu portibi on na giot paluahon halak pardosa do.” Jana sian sude halahi, au ma na umbahat dosana.

IBRANI 4:16

Hara ni i, pos ma rohanta ulang pola mabiar be hita mandapotkon habangsa parasinirohaan, anso tajagit ibo ni roha dohot dumpangan asi ni roha, na gabe pangurupi di hatiha na dung ditontuhon i.

IBRANI 8:12

SesaonKu ma angka hasalaan ni halahi, jana halupahononKu ma angka dosa ni halahi.”