LUKAS 17:8 - BIBEL JAMITA NA DENGGAN

⁸ Tontu inda! Tapi suhar-suhar ni i do dohononmunu tusia, ‘Parade ma pangananku. Pakean na ias ma pake jana jagoi au hatiha mangan minum au; dung sidung, i pe anso mangan ho.’

LUKAS 17:8 Iomraidhean Croise

PAMUNGKAAN 43:16

Disi diida si Josep si Benyamin rap dohot angka angkangnia i, didok ia ma tu parkobas na mangapalai sude na di bagasnia i, “Oban ma halahi masuk tu bagasku. Mangan arian di bagas do halahi rap dohot au; jadi sambol ma sada pahan-pahanan, lompa ma i.”

2 SAMUEL 12:20

Jongjong ma si Daud sian lante i, kehe ma ia maridi lalu disuri ia obuknia, lalu margonti pakean. Dung i kehe ma ia maribadat tu Bagas Ni Tuhan. Dung i kehe ma ia mulak tu bagas godang jana dipangido ia ma diparade panganon disi, jana mangan ma ia.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 17:7

“Sugari adong sada sian hamu nampuna naposo na mambajak sanga na marmahan biri-biri. Muda muli ma naposo i sian ladang, adong he didok hamu tusia, ‘Ompoti ma ro tuson anso mangan hita!’

LUKAS 17:9

Adong ma he mandok tarimakasi ia tu naposo i hara ni na dung dikarejohon ia sikarejohononnia?

JOHANNES 13:4

Jadi jongjong ma Ia sian meja i, dibuka Ia ma baju jubaNia, dililitkon Ia ma sada anduk di gontingNia.