LUKAS 17:34 - BIBEL JAMITA NA DENGGAN

³⁴ Hudok ma di hamu: Di bornginna i, sian dua halak na sapodoman, sada ma i dioban jana sahalak nari ditadingkon.

LUKAS 17:34 Iomraidhean Croise

MASMUR 26:9

Ulang bunu au rap dohot pardosa, ulang buat ngolungku rap dohot siduruskon mudar.

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

JESAYA 42:9

Angka na disurirangkon humani madung tarjadi, saonnari na imbaru noma sipaboaonKu tu hamu haru pe nada tarjadi dope i.”

JEREMIA 45:5

Biasi dijalahi ho hagodangon ni dirimu? Ulang jalahi i. Angke satutuna paroonKu ma parhancitan tu sude na mangolu, songon i ma didok Tuhan. Tapi anggo tu ho lehenonKu do ngolu songon gonti ni sude inganan na giot bolusonmu.”

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

MARKUS 13:23

Antong jonggor ma hamu! Madung Hupaboa hian sudena i tu hamu dompak so tulus dope.”

MARKUS 14:29

“Nada!” ning si Petrus, “Haru sude pe halahi maninggalkon Ho anggo au bagi na bia pe inda.”

LUKAS 13:24

“Angkon usahahononmunu do masuk mamolus sian pintu na sompit. Angke ingot hamu ma! Bahat do halak na marusaho giot masuk mamolus pintu i tapi nada tarbaensa.

LUKAS 13:3

Nada! Tapi ingot hamu ma, anggo so muba do hamu sian angka dosamunu, hamu pe laing mate do sude songon halahi.

LUKAS 13:5

Nada! Tapi ingot hamu ma, hamu pe angkon laing mate do sude sarupa dohot halahi, muda so muba hamu sian angka dosamunu i.”

LUKAS 17:33

Barang ise na manjagohon hosana, na mangago hosana do i; tapi barang ise na magoan di hosana, i do na pangoluhonsa.

LUKAS 17:35

Sian dua halak na rap manduda eme, sada ma halahi dioban, jana sahalak nari ditadingkon. [

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,