LUKAS 17:30 - BIBEL JAMITA NA DENGGAN

³⁰ Songon i ma pangalahona saulahon muda di ari hataridaan ni Anak Ni Jolma i.”

LUKAS 17:30 Iomraidhean Croise

MATEUS 16:27

Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.

MATEUS 24:3

Dung i kehe ma Jesus juguk di Dolok Zetun. Jadi hatiha na juguk i Ia, marroan ma angka anak siseanNia laho mangkatai dohot Ia sajo. “Paboa ma jolo tu hami sanga andigan do tarjadi sudena i,” ninna halahi manyapai Ia. “Dung i muse, aha ma tandana paboa na giot dapot ma haroroMu dohot hasidungan ni portibi on?”

MATEUS 24:37

Songon di hatiha ni si Noak, songon i ma saulahon pangalahona, muda ro Anak Ni Jolma i.

MATEUS 24:39

Jadi di na nitondong ni banjir i halahi sude, disi pe anso tarhalak halahi taringot tu na masa i. Laing songon i muse ma na giot masa, muda ro Anak Ni Jolma i.

MATEUS 26:64

Dialusi Jesus ma, “Tutu. Tapi ingot hamu ma: Mamungka saonnari idaonmunu ma Anak Ni Jolma i juguk di siamun ni Na Markuaso i. Dung i ro ma Ia di ginjang ombun na di langit an!”

MARKUS 13:26

Jadi tarida ma disi Anak Ni Jolma i ro di bagasan ombun mardongan kuaso dohot hasangapan.

LUKAS 17:24

Songon parsinondang ni hilap di langit, na torang sian ujung tu ujung, songon i ma pangalaho ni Anak Ni Jolma i di ariNa i.

LUKAS 17:29

Tapi di na kehe si Lot manadingkon Sodom, mijur ma di ari i api dohot barerang sian langit manutung halahi sude.

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

LUKAS 21:27

Jadi disi ma ro Anak Ni Jolma i di bagasan ombun mardongan hamuliaan dohot kuaso na godang.

1 KORINTUS 1:7

gabe nada adong be na hurang pasupasu di hamu, di na nipainte-intemunu Tuhanta Jesus Kristus ro jana idaon ni halak sudena.

1 KORINTUS 1:8

Patoguon ni Kristus do rohamunu lopus tu ujungna, jadi muda ro Ia mangulahi, nada adong be na martihas di hamu.

KOLOSSE 3:4

Kristus do ngolu na so mantak di hamu jana muda ro Ia saulahon patidahon diriNia, dohot muse ma hamu rap dohot Ia di bagasan hasangapanNa i!

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 4:13

Angkon mur sonang do rohamunu angke dohot do hamu manaon parkancitan rap dohot Kristus. Jadi saulahon muda dung dipataridahon hasangapan ni Kristus i tu sude jolma, marsurak-surak ma hamu disi.

1 JOHANNES 2:28

Jadi hamu angka dakdanakku, tongtong ma hamu maringanan di bagasan Kristus, anso pos situtu rohanta paboa na puluk hita mangadop tuSia so pola maila be hita saulahon di haroroNa.

1 JOHANNES 3:2

Hamu angka dongan na nihaholongan! Saonnari dakdanak ni Debata do hita, tapi sanga na bia hita muse, nada dipatidahon dope i tu hita. Tapi laing toboto do, muda ro Kristus, gabe songon Ia ma hita, angke idaonta ma Ia di pangalahoNia na satutuna.

HALUMBAAN 1:7

Ligi da, na ro ma Ia dihaliangi ombun! Idaon ni sude halak ma Ia, dohot halahi na maniham Ia. Mangangguhi ma sasudena bangso na di tano on manangisi dirina be hara ni Ia. Olo, tutu do na songon i! Amen!