LUKAS 17:3 - BIBEL JAMITA NA DENGGAN

³ Manat ma hamu! Muda mardosa donganmu, paingot ia antong. Muda manyosal do ia hara ni na dung mardosa ia, ampuni ma.

LUKAS 17:3 Iomraidhean Croise

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

HARURUAR 34:12

Jago-jago hamu, ulang jabat mambaen janji hamu dohot halak di luat na nidapotkonmunu i, anso ulang gabe jorgong halahi muse di tonga-tongamunu.

PODA 17:10

Ummarga do sanoli digorahon di halak na marroha ulang pado disambok saratus noli di halak na oto na so ra mangarti.

PODA 27:5

Gumonan do torang digorahon ulang pado holong ni roha na so dipataridahon.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

HAMALIMON 19:17

Ulang ho marhosom sanga tu ise pe. Pasidung ma salisimu dohot halak i anso ulang mardosa ho hara ni ia.

MATEUS 18:21

Dung i ro ma si Petrus tu Jesus manyapai, “O, Tuhan! Muda mardosa dongan tu iba, intap ni piga noli do iba mangampuni ia? Tuk ma pitu noli?”

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

PANGARATAION 4:15

“Di na mangkuling Tuhan tu hamu sian api i di Dolok Sinai, nada adong diligi hamu rupaNa. Jadi, anso padenggankon di hamu sandiri, patut ma ingotonmunu!

PANGARATAION 4:23

Denggan ma paingot-ingot hamu! Ulang lupa hamu di parjanjian na nibaen ni Tuhan Debatamunu dohot hamu. Oloi hamu ma parentaNia; ulang baen hamu di hamu sandiri patung na gabe sisombaon sanga na bia pe rupana,

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

JAKOBUS 5:19

Hamu angka dongan! Muda adong barang ise na lilu sian hatigoran i, dung i adong barang ise na paulakkon rohania,

2 JOHANNES 1:8

Hara ni i, jagohon hamu ma anso ulang jabat adong sanga aha na mago sian na hami pasahat i tu hamu. Manat ma hamu anso laing dohot hamu manjagit sudena upamunu i.