LUKAS 17:25 - BIBEL JAMITA NA DENGGAN

²⁵ Tapi anggo mula-mulana angkon bahat do sitaononNia jana nada dijagit halak sisaonnari on Ia.

LUKAS 17:25 Iomraidhean Croise

JESAYA 53:3

Dipasiding halak ia jana dipalayas, halak na somal marhancit do ia jana na mardangol, na layas sajo do ia, lopus ditutup halak bohina maradopkon ia, jana di hita pe nada masuk etongan ia.

MATEUS 16:21

Mamungka sian i marsitangkas ma Jesus paboahon tu angka anak siseanNia i. Angkon kehe Ia tu Jerusalem jana angkon parkancitan ni angka pamimpin dohot angka Sintua Ni Malim dohot Siboto Surat Jahudi ma Ia disi. Angkon bunuon Ia, tapi mulak mangolu ma Ia di ari patoluhon!

MATEUS 21:42

Dung i ninna Jesus ma tu halahi, “Na so unjung dope tarsise hamu surat na di Buku Na Badia i? ‘Batu na niambungkon ni pande bagas i madung gabe batu parsuhi. Songon i ma pambaen ni Tuhan; sada pambaenan hahomangan di matanta.’ ”

MARKUS 10:33

“Tangihon hamu ma, saonnari manangkok ma hita tu Jerusalem. Pasahaton ma disi Anak Ni Jolma tu angka sintua ni malim dohot angka Siboto Surat. Dabuhonon ni halahi ma uhuman mate tuSia. Dung i pasahaton ni halahi ma Ia tu tangan ni angka halak na so Jahudi.

MARKUS 12:10

Tontu ma disise hamu ayat on di Buku Na Badia i, ‘Batu na niambungkon ni pande bagas, madung gabe batu parsuhi.

MARKUS 8:31

Dung i dipungka Jesus ma mangajarkon tu angka anak siseanNia paboahon angkon bahat parkancitan taonon ni Anak Ni Jolma i. Dialo angka pamimpin dohot angka sintua ni malim dohot angka Siboto Surat i ma Ia. Bunuon ni halahi ma Ia, tapi dung tolu ari, mulak mangolu ma Ia mangulahi.

MARKUS 9:31

hara ni na mangajari anak siseanNia do Ia, jana didok Ia ma tu halahi, “Anggo Anak Ni Jolma i angkon pasahaton ma tu kuaso ni jolma. Bunuon ni halahi ma Ia, tapi mulak mangolu ma Ia dung tolu ari muse!”

LUKAS 18:31

Dioban Jesus ma siseanNia sidua bolas halak i sajo, jana didok Ia ma tu halahi, “Saonnari manangkok ma hita tu Jerusalem, jana tarjadi ma sudena na nisuratkon ni angka panurirang taringot tu Anak Ni Jolma i.

LUKAS 18:33

Loncingan ni halahi ma Ia jana bunuonna; tapi di ari patoluhon, mulak mangolu ma Ia mangulahi.”

LUKAS 24:46

Dung i didok Jesus ma tu halahi, “Na dung tarsurat hian do di Buku Na Badia i, angkon manaon parkancitan do Kristus i, jana mulak mangolu Ia sian hamatean di ari patoluhon.

LUKAS 9:22

Anggo Anak Ni Jolma i, tutu do Ia angkon markancit jana dialo angka pamimpin dohot angka sintua ni malim, songon i angka Siboto Surat Jahudi. Dibunu ma Ia, tapi mulak mangolu do Ia di ari patoluhon.”

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

JOHANNES 12:38

Jadi di na songon i tarjadi ma na didok ni Panurirang Jesaya. Songon on ma pandoknia, “O ale Tuhan, ise ma he na porsaya tu jamitanami? Tu ise dope patidahonon kuaso ni Tuhan?”

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 8:7

jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.