LUKAS 17:14 - BIBEL JAMITA NA DENGGAN

¹⁴ Dung diida Jesus halahi, didok Ia ma, “Kehe ma hamu patidahon dirimunu tu angka malim.” Dompak na mardalan i halahi malum ma nyaena i.

LUKAS 17:14 Iomraidhean Croise

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

JESAYA 65:24

Jadi andorang so pio-pio halahi, madung Hualusi; hatiha manghobari halahi, madung Hubege.

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

LUKAS 5:14

Dung i dilarang Jesus ma bayo i anso ulang dicaritohon ia taringot tusi sanga na tu ise pe. Torus tu malim do disuru Jesus bayo i. “Pangido ma anso dipareso malim ho, dung i kehe ma ho pasahatkon haul hombar tu na nitontuhon ni si Musa laho patandahon tu halak na bahat, bahaso na dung malum ho.”

JOHANNES 11:10

Tapi muda borngin do halahi mardalan, tartuktuk ma ia, angke nada adong na torang disia.”

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

JOHANNES 9:7

jana didok Jesus ma tusia, “Kehe ma ho marsuap tu tobat Siloam.” (Siloam astuanna “Na nisuru”.) Jadi kehe ma bayo i marsuap paiaskon bohinia. Di na mulak ia marnida ma matania i.