LUKAS 16:7 - BIBEL JAMITA NA DENGGAN

⁷ Dung i didok ia ma tu na paduahon, ‘Jadi hamu, sadia ma utangmu?’ Dialusi halahi ma, ‘Saratus harung eme.’ Didok bendahara i ma tusia, ‘Indon ma surat ni utangmi, suratkon ma salapan pulu.’

LUKAS 16:7 Iomraidhean Croise

MATEUS 18:28

“Tapi di na kehe i haruar naposo i, marsuo ma ia dohot dongannia, rap naposo do halahi. Adong utang ni dongannia i tusia sanga na piga pulu ribu. Hape ditangkup ia ma manigor dongannia i lalu dipingkok ia jana didok ia ma tu dongannia i, ‘Garar sude utangmi tu au,’ ning ia.

LUKAS 16:6

Dialusi halahi ma, ‘Saratus gunci miak zetun.’ Didok bendahara i ma tusia, ‘Antong, indon ma surat ni utangmi. Juguk ma ho disi jana suratkon ma tibu lima pulu.’

LUKAS 16:8

Dung i dipuji tuan ni bendahara i ma habisuhon ni bendahara na geduk i; angke umbisuk do angka jolma portibi on taringot tu angka urusan ni halahi ulang pado anak ni hatorangan i.”

LUKAS 2:37

mabalu ma ia torus mardangol salapan pulu opat taon honokna. Nada jungada ditadingkon ia Bagas Ni Debata. Arian na borngin disi sajo ma ia marsomba tu Debata martangiang dohot puaso.

LUKAS 20:12

Dung i disuru nampuna kobun i ma naposonia na patoluhon. Naposo on pe dibalbali angka pamola i muse dope baru dipamorot halahi sian kobun i.

LUKAS 20:9

Dipaboa Jesus dope umpama on tu angka jolma i, “Adong ma sada bayo nampuna kobun anggur. Dipabolahon ia ma kobun i tu piga-piga halak pamola di na laho kehe ia tu inganan na asing jana disi ma ia maringanan honok sajo.