LUKAS 16:3 - BIBEL JAMITA NA DENGGAN

³ Jadi marpikir ma bendahara i, ‘Aha do ulaning sibaenonku saonnari? Angke antahon ni tuanki ma au. Muda giot mamangkur, inda margogo be au, dung i mangido-ido maila au.

LUKAS 16:3 Iomraidhean Croise

ESTER 6:6

Dung masuk si Haman, didok raja i ma tusia, “Adong bayo na giot silehenonku hasangapan na godang. Aha do na giot sibaenonku tu halakna i?” Didok roha ni si Haman di bagasan, “Ise dope he halakna na giot lehenon hasangapan na songon i godangna baenon ni raja i anggo so tu au? Pasti au!”

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 15:19

Halak na losok sai na marpupu do i susa; halak na jujur nada adong hamaolonna.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

PODA 20:4

Partani na losok nada di hatihana mangkarejohon ladangna; ujungna di masa ni na mambuat, nada dapotsa sanga aha suhana.

PODA 29:21

Hatoban na dipamanja sian na poso, ujungna na so tarkuasoi do.

JESAYA 10:3

Aha ma na giot baenonmunu di ari panguhuman, jana hatiha hasesego na giot ro sian sihadaoan? Tu ise ma ho kehe mangido pangurupion? Di dia ma he tabunihononmunu hakayoonmunu i?

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

HOSEA 9:5

Di angka ari pesta ni ugamo, nada adong tarbaen hamu laho manghagodangkon ari i.

MATEUS 20:8

Jadi dung potang ari didok nampuna kobun i ma tu mandurna i. ‘Piohon ma angka na karejo i, garar ma upa ni halahi mamungka sian na parpudi ro lopus tu na parjolo ro.’

MARKUS 10:46

Lalu ma halahi di Jeriko. Jadi dung laho kehe Jesus rap dohot angka anak siseanNia i, songon i dohot halak na bahat i, adong ma sada halak na mapitung juguk di topi dalan i mangido-ido. Si Bartimeus do goarna, i ma anak ni si Timeus.

LUKAS 12:17

Marpikir ma ia di bagasan rohania, ‘Aha ma ulaning sibaenonku saonnari? So adong inganan panyimpanan ni sude suha ni artangki.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

LUKAS 16:20

Adong muse sada halak na pogos si Lasarus goarna, na baro-baroon sap pamatangna i. Somal do ia dioban tu pintu ni bagas ni na kayo i,

LUKAS 16:22

Dung i jumolo ma halak na pogos i jana dioban surusuruan ma ia tu inganan na dumenggan di lambung ni si Abraham di banua ginjang i. Halak na kayo i pe jumolo muse ma jana ditanom.

LUKAS 16:4

Madung huboto sibaenonku saonnari. Muda dung diantak au, angkon bahat ma nian donganku na ra manjagit au di bagas ni halahi!’

LUKAS 18:4

Tarhonok do inda ra panguhum i manolong na mabalu i. Tapi ujungna didok panguhum i ma di bagasan rohania, ‘Haru so mabiar pe au tu Debata jana inda huargahon jolma,

JOHANNES 9:8

Sude hombar bagasnia dohot sude halak na marnida ia mangido-ido mandok, “Na he bayo on do na somal i juguk mangido-ido?”

BAENON NI ANGKA RASUL 3:2

Di pintu na margoar “Pintu Na Jeges”, adong ma sada bayo na pangpang hian sian mulai sorang. Ganop ari do bayo on dioban halak tusi mangido-ido sidoka tu angka jolma na marroan tu Bagas Ni Debata.

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

2 TESSALONIKA 3:11

Hami dok pe songon i, hara ni na adong do hami bege angka halak na losok deba sian hamu. Hum na manganto-antoi karejo ni halak do halahi, hape umpe adong karejo na nibaen ni halahi.