LUKAS 16:23 - BIBEL JAMITA NA DENGGAN

²³ Mardangol situtu ma ia di inganan ni angka na mate i. Jadi di na manatap ia tu ginjang, diida ia ma si Abraham di sihadaoan, jana di lambung ni si Abraham ma si Lasarus.

LUKAS 16:23 Iomraidhean Croise

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 49:15

Tapi anggo au paluaon ni Debata noma, paluaonNia do au sian hamatean.

MASMUR 86:13

Hara ni godangna holong ni rohaMu na manongtong i di au, madung dipalua Ho au sian liang ni kuburan.

MASMUR 9:17

Hamatean do bagian ni halak pardosa, angka bangso na so manghabiari Debata.

PODA 15:24

Manaek tu hangoluan do dalan ni halak na bisuk, anso dao ia sian banua toru.

PODA 5:5

Manuat ma ho saratonnia tu inganan ni halak na mate; na giot tu hamatean do dalan na nibolusna.

PODA 7:27

Muda kehe ho tu bagasna i, na mardalan tu hamatean na mamondut do i.

PODA 9:18

Barang ise na kehe tusi nada diboto ia na disi do hamatean, jana na masuk tu bagasna, madung masuk tu bagasan hamatean.

JESAYA 14:15

Hape dijulungkon tu na umbagas do ho sian sude inganan ni halak na mate.

JESAYA 14:9

Madung rade hamatean laho manyambut manjaluangi raja ni Babel i. Gabe tarsunggul ma sumangot ni angka halak na markuaso narobi di tano on, dohot sumangot ni angka raja marjongjongan ma sian habangsa ni halahi.

MATEUS 11:23

Dohot ho, kota Kapernaum! Giot pagincaton ma ho lakna lalu tu banua ginjang? Nada! Tu narako do ho ambungkononkon! Sugari sura di kota Sodom dibaen angka tanda hahomangan na nibaen ditonga-tongami, laing adong dope kota i lopus sadari on!

MATEUS 18:9

Dung i muda hara ni matamu do ho gabe mardosa, pulsikkon ma i ambungkon matami. Gumonan do mangolu ho sada mata ulang pado disampakkon ho tu api narako laing disi matami na dua i.”

MATEUS 23:33

O hamu angka ulok, panipu do hamu! Tar bia be baenonmunu paluahon dirimunu sian uhuman na di narako i?

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

MATEUS 5:29

Muda mardosa ho hara ni matamu siamun i, pulsikkon ma i anso ambungkon! Gumonan do mago deba parkokas ni pamatangmi ulang pado sudena niambungkon tu narako.

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

LUKAS 16:24

Dung i marsurak ma halak na kayo i, ‘Jo amang Abraham! Ibo ma rohamu di au, suruhon ma jolo si Lasarus mangaronjomkon jari-jarinia tu aek anso ro ia palambokkon dilangkon. Markancit sajo do au di bagasan api on!’

LUKAS 16:28

gomos ma pangidoanku tu ho, anso suruhon ma si Lasarus kehe tu bagas ni damang, angke adong dope lima nari kahanggingku. Ibo rohana nian, anso ulang ro be halahi tu inganan pardangolan on!’

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

1 KORINTUS 15:55

“Jo, hamatean, di dia do hamonanganmi? Jo, hamatean, di dia he corotmi?”

2 PETRUS 2:4

Haru angka surusuruan na mardosa pe nada dipatola Debata malua sian uhuman, tapi ambungkonon do i tu narako. Pamasuhon do halahi tu inganan na golap anso tarhurung disi lopus tu Ari Paruhuman.

HALUMBAAN 20:10

Dung i didanggurkon ma Sibolis na paoto-otohon halahi i tu bagasan api na marcampur dohot barerang. Disi do inganan ni binatang i dohot panurirang pargabus na nibuang najolo i. Diparkanciti ma halahi disi arian na borngin nada marnamantak ro di salolot-lolotna.