LUKAS 16:1 - BIBEL JAMITA NA DENGGAN

¹ Dung i didokkon Jesus ma tu angka siseanNia i, “Adong ma sada halak na kayo, na marbendahara. Jadi adong ma na paboahon tusia, bahaso na marroha-roha do bendahara i laho pangabiskon artonia.

LUKAS 16:1 Iomraidhean Croise

PAMUNGKAAN 15:2

Tapi didokkon si Abram ma, “Iale Tuhan Debata, aha ma he guna ni upaMi di au, anggo so na adong anakniba? Hum si Elieser halak Damaskus i ma na manean au.

PAMUNGKAAN 43:19

Jadi hara ni i, didok halahi ma tu kapala ni pangisi ni bagas i di lambung pintu ni bagas ni si Josep i,

1 JUJUR TAON 28:1

Diparentahon si Daud ma anso marlagut sude pamimpin ni Israel di Jerusalem. Jadi marlagut ma sudena di Jerusalem angka kapala ni marga, na markarejo di pamarenta, angka kapala ni horong, angka pangawas ni sinadongan dohot pahan-pahanan ni raja i maradu angka dakdanakna – pendekna, sude ma disi angka na sangap sian bagas godang, perwira dohot halak na godang-godang.

PODA 18:9

Sarupa do jahat ni halak na losok karejo, dohot halak na sai mambaen sego.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

MATEUS 20:8

Jadi dung potang ari didok nampuna kobun i ma tu mandurna i. ‘Piohon ma angka na karejo i, garar ma upa ni halahi mamungka sian na parpudi ro lopus tu na parjolo ro.’

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

LUKAS 15:13

Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

LUKAS 15:30

Anggo anakmi, madung diabiskon ia sude artami rap dohot angka dadaboru na so ture, hape disi mulak ia manigor disambol ho ma lombu na nipamokmok i disia.’

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 16:2

Jadi dipio ia ma bendahara i jana didok ia ma, ‘Aha dehe na hubege taringot tu ho? Saonnari, pasahat ma jolo tu au paretonganmu taringot tu sudena hartongki. Mamungka saonnari nada tola be ho gabe bendahara.’

LUKAS 19:20

Ro ma naposo na asing mandok, ‘Tuan indon ma hepengmi, hubungkus do di sapu tangan.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

TITUS 1:7

Harana na mangurus karejo ni Debata do sada halak sintua jadi nada tola halak na targora. Nada tola ginjang rohana sanga na parmuruk, sanga na parmabuk, sanga na kasar, sanga na sai mangarohahon hepeng.

JAKOBUS 4:3

Tarsung pe dipangido hamu, hape laing nada dapotan hamu, angke madung sala tujuan ni pangidoanmunu i; na laho pasonang-sonangkon dirimunu sajo do na nipangidomunu i.

1 PETRUS 4:10

Ganop be do hamu angka dongan manjagit silehen-lehen na paasing-asing sian Debata. Jadi hara ni i, songon parkobas na denggan di angka silehen-lehen ni Debata i, pake hamu ma angka silehen-lehen i anso marguna tu haporluanmunu sama hamu.