LUKAS 15:8 - BIBEL JAMITA NA DENGGAN

⁸ “Sanga sugari rupani adong ma sahalak dadaboru nampuna sampulu kamata hepeng perak, hape mago sangkamata – aha ma baenonnia? Tontu tutungonnia ma lampu jana disapu ia bagasnia i laho manjalahi hepeng i tangkas lopus dapot.

LUKAS 15:8 Iomraidhean Croise

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

MATEUS 5:15

Nada adong halak na manutung lampu, dung i ditutupi ia dohot belek. Tu inganan ni lampu do i dibaen halak, anso torang sude idaon ni halak na di bagas i.

LUKAS 15:7

Laing songon i ma pangalahona di banua ginjang i, tangkas ma Hupaboa di hamu! Jumop do roha ni Tuhan hara ni sada halak na jahat na pauba rohana sian angka dosana ulang pado sisambilan pulu sambilan halak na denggan roha na so porlu paubahon roha.”

LUKAS 15:9

Jadi dung dapot ia hepeng i, pioonnia ma angka dongannia dohot angka hombar bagasnia jana dokkononnia ma tu halahi, ‘Jop sajo do rohangku dung dapot au mangulahi hepengku na mago i. Beta ma tapestahon!’

LUKAS 19:10

Angke na giot manjalahi dohot paluahon angka halak na lilu do umbaen na ro Anak Ni Jolma i.”

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 11:52

Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.

BAENON NI ANGKA RASUL 19:19

Jana angka halak na dung somal padalan hadatuonna, dipalagut halahi ma angka buku ni halahi, ditutung halahi ma i di jolo ni halak na bahat. Sugari dipalagut arga ni buku i sude, mararga ma i hira-hira lima pulu ribu hepeng perak.

EPESUS 2:17

Jadi madung ro Ia manjamitahon hasonangan markite-hite, Jamita Na Denggan i di hamu angka na dao, dohot di angka na donok.