LUKAS 15:7 - BIBEL JAMITA NA DENGGAN

⁷ Laing songon i ma pangalahona di banua ginjang i, tangkas ma Hupaboa di hamu! Jumop do roha ni Tuhan hara ni sada halak na jahat na pauba rohana sian angka dosana ulang pado sisambilan pulu sambilan halak na denggan roha na so porlu paubahon roha.”

LUKAS 15:7 Iomraidhean Croise

PODA 30:12

Adong do halak na mangetong ias dirina hape nian na santak do hodarna.

MATEUS 18:13

Hudok ma tu hamu, muda dung dapot ia na sada i, tontu jumop ma rohania hara ni biri-biri na sada i ulang pado mida na sambilan pulu sambilan nari angka na so lilu i.

MATEUS 3:8

Baen hamu ma pangalaho na pataridahon na dung muba rohamunu, sian angka dosamunu.

LUKAS 15:10

Hudok ma di hamu! Laing songon i ma angka surusuruan ni Debata. Marjop ni roha ma halahi muda adong sada halak na jahat paubahon rohana.”

LUKAS 15:29

Tapi didok ia ma tu amangnia i, ‘Martaon-taon ma honokna huoloi damang, na so jungada dope hulaosi parentamu. Tapi nada unjung dilehon damang di au umpe sada hambeng anso marpesta au dohot angka donganku!

LUKAS 15:32

Tapi anggo saonnari na patut do hita mambaen pesta jop ni roha, angke na dung mate do anggimi, hape saonnari mulak mangolu; madung lilu ia, hape saonnari madung mulak.’ ”

LUKAS 15:6

marobansa mulak. Dung i dipiohon ia ma angka dongannia, didokkon ia ma tu halahi, ‘Majop sajo rohangku dung dapot au mangulahi biri-biringku na mago i. Hara ni i tole ma marjop ni roha hita mamestahonsa!’

LUKAS 15:8

“Sanga sugari rupani adong ma sahalak dadaboru nampuna sampulu kamata hepeng perak, hape mago sangkamata – aha ma baenonnia? Tontu tutungonnia ma lampu jana disapu ia bagasnia i laho manjalahi hepeng i tangkas lopus dapot.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 5:32

Nada giot mamiohon halak na tigor umaben na ro Au, tapi mamiohon si pardosa do anso di pauba rohana.”

SURAT NI SI PAULUS TU PARLAGUTAN ROM 7:9

Najolo mangolu do au di na so hutanda Tona i. Tapi dung ro angka parenta i, tarsunggul ma dosa i