LUKAS 15:22 - BIBEL JAMITA NA DENGGAN

²² Tapi dipiohon amangna i ma angka naposona jana didok ma, ‘Pasigop buat pakean na dumenggan jana pakehon manigor tusia. Baen tintin tu jari-jarina i dohot sipatu tu patna i.

LUKAS 15:22 Iomraidhean Croise

PAMUNGKAAN 41:42

dibuka raja i ma tintin na maruhir, sitempel ni harajaan, jana dipamasuk ia ma i tu jari-jari ni si Josep. Dipapakehon raja i muse ma tusia sada baju juba na sian linen na halus jana dipamasuk ia muse ma tu rungkungna i sada borgok sere.

ESTER 3:10

Umbege i, diuldus raja i ma sian jari-jarina tintin na nipakenia laho mancap boa-boa na rasmi lalu dilehen ia ma tu si Haman, musu godang ni halak Jahudi i.

ESTER 8:2

Ditalduskon raja i ma tintinnia na nibuatnia mangulahi sian si Haman jana dilehen ia ma i tu si Mordehai. Jana diangkat si Ester ma si Mordehai gabe na markuaso di arta ni si Haman.

MASMUR 132:16

PasupasuonKu angka malimnia di sude ragam ni karejona, marendei jana marmoga-moga ma bangsonia.

MASMUR 132:9

Sai marjop ni roha ma nian bangsoMu jana angka malimMu pe sai mangolu ma mangihutkon giot ni rohaMu.

MASMUR 18:33

Dipargogoi Ia patku songon pat ni ursa di harangan, gabe sonang ma dalanku di pardolokan.

MASMUR 45:13

Boru ni raja na jogi i masuk tu bagasan bagas godang, dohot baju na marsulam bonang sere.

ENDE NA GODANG 7:1

Si bujing na sumurung hajogian, patmu na marsandal sai lohot tu roha di bagasan. Lengkuk ni gontingmu songon na nitukangan, karejo ni sada bayo parsinaloan.

JESAYA 61:10

“Jop ma rohangku hara ni Tuhan, hara ni Debata, tondingku marhamogaan. Songon pangoli di ari parbagasonna mamake pakean na sumurung jegesna, madung dipapakehon Tuhan tu au baju haluaan dohot hamonanganku.

LUKAS 15:21

Didok ia tu amangnia i, ‘O amang, madung mardosa au adop Debata bope maradopkon damang. Nada tama be didok au anak ni damang.’

LUKAS 15:23

Dung i buat ma anak ni lombu na nipamokmok, sambol ma i anso mangan hita jana marjop ni roha.

SURAT NI SI PAULUS TU PARLAGUTAN ROM 13:14

Padiar hamu ma Tuhan Jesus Kristus manontuhon sanga aha sibaenonmunu. Jana ulang be dioloi hamu bakomunu na mardosa i laho papuaskon hagiot ni sibuk.

SURAT NI SI PAULUS TU PARLAGUTAN ROM 3:22

i ma hatigoran ni Debata markite-hite haporsayaan di Jesus Kristus, tu sude halak na porsaya. Harana nada adong imbarna:

SURAT NI SI PAULUS TU PARLAGUTAN ROM 8:15

Harana anggo Tondi na nijagitmunu i ale angka dongan, nada dibaen i hamu gabe hatoban, anso gabe mangulahi mabiar hamu. Sabalikna do, gabe angka dakdanak ni Debata do hamu dibaen. Jana hara ni pangonjar ni kuaso ni Tondi i, pio-pio ma hita tu Debata mandok, “Abba, ale Amang!”

GALATIA 3:27

Angke, sude hamu na dung nipandidihon di bagasan Jesus madung diparabit hamu Kristus i.

EPESUS 6:15

Haburjuon manjamitahon Jamita Na Denggan taringot tu hasonangan i, angkon i ma nian na gabe songon sipatumunu.

PANGARATAION 33:25

Angka hutana pe dijagoi pintu bosi anso mangolu ia di bagasan dame humani.”

HALUMBAAN 19:8

Madung dilehen abit linen na alus na marnyala na bontar jana na ias di angka halak na badia.”

HALUMBAAN 2:17

Ditangihon na marpinggol i ma na nidok ni Tondi i tu angka parlagutan i. Di na monang i do lehenonKu mangan sian manna na buni, jana lehenonKu ma disia batu na bontar. Niuhir do di batu i sada goar na imbaru na so binoto ni sanga ise pe asing sian halak na manjagit i.”

HALUMBAAN 3:18

Jadi Hupaingot ma hamu anso tobusi hamu ma sian Au sere, i ma sere na polin, anso tutu hamu gabe mamora. Laing dohot ma pakean na bontar tobusi hamu sian Au anso marpakean hamu, ulang diida halak be hamu di pangalahomunu na marsaemara jana na pailahon i. Jana tobusi hamu muse ma ubat ni matamunu i anso marnida hamu.

HALUMBAAN 6:11

Dung i dilehen ma tu halahi sada be baju juba na bontar. Dung i disuru ma halahi maradian santongkin nari, painte gok bilangan ni angka aleale ni halahi saparjuangan dohot angka dongan ni halahi na hona bunu songon halahi.

HALUMBAAN 7:9

Dung i manaili muse dope au, gabe huida ma jolma na marlagut na lobi bahatna – sahalak pe nada adong tarbaensa mangetong i! I ma angka jolma sian ganop bangso, marga, negara dohot bahasa. Mamake baju juba na bontar ma halahi, maniop mare-mare di tanganna be, jongjong ma halahi sude adop habangsa i dohot adop Anak Ni Biri-biri i.