LUKAS 15:15 - BIBEL JAMITA NA DENGGAN

¹⁵ Jadi kehe ma ia markarejo tu sada halak na di kota i, jana disuru ma ia manjago babi di ladang.

LUKAS 15:15 Iomraidhean Croise

2 JUJUR TAON 28:22

Di pangalaho na songon i gawatna mur mambaen dosa dope si Ahas tu Tuhan.

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JESAYA 57:17

Hara ni hasalaan na mangahut tu dirinia sandiri do umbaen na muruk Au, Hu ajar do ia, Hutabunihon bohingKu dohot murukKu, tapi marbalik do ia mamolus dalan na nipili ni rohana.

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

JEHESKIEL 16:52

Taon ma salamu, ale ho, na panayangkon uhuman tu angkangmu; hara ni angka dosamu na umjorbut sian halahi, tumigor do halahi sian hamu. Padiar ma maila ho jana taon ma salamu angke hara ni ho gabe songon na so marsala idaon angka angkangmu.”

JEHESKIEL 16:63

SesaonKu ma sude hasalaanmu, tapi nada tarhalupahon ho i jana ila ma rohamu laho mandok sanga na aha. Au Tuhan Debata madung mandok songon i.”

NAHUM 3:6

BaenonKu ho songon barang sihagigian, dangguranKu ho dohot kotoran; baenonKu ho gabe sitontonan.

MALEAKI 2:9

Jadi Au sian pihakKu, baenonKu ma halak Israel marlayas ni roha tu hamu hara ni na so dioloi hamu hagiotKu, dohot hara ni na marnida bohi hamu dompak mangajari bangsongKu.”

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

LUKAS 15:13

Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

LUKAS 15:14

Dung abis sude hepengnia i, masa ma haleon potir di luat i, gabe mamungka ma ia marhancit.

LUKAS 15:16

Dung i por ma rohania mangankon panganon ni babi i, tapi umpe adong halak na mangalehensa.

SURAT NI SI PAULUS TU PARLAGUTAN ROM 6:22

Tapi anggo saonnari, dung dipalua hamu sian dosa jana madung gabe naposo ni Debata hamu, dapotan parbatu anso gabe badia ma hamu, jana ngolu na manongtong do ujungna i.

TITUS 3:3

Angke hita pe oto do najolo, nada mangoloi jana nada tigor. Dirajai angka hagiot dohot por ni roha na marragam rupa do hita. Na mangolu di angka hajahatan dohot gutgut dohot na marsihosoman hian do hita.