LUKAS 14:21 - BIBEL JAMITA NA DENGGAN

²¹ Jadi mulak ma naposo i paboahon sudena i tu tuannia. Muruk sajo ma tuan i. Didok ia ma tu naposonia i, ‘Antong ompoti ma kehe tu angka dalan dohot tu suhi-suhi ni kota on, oban ma tuson angka halak na pogos, angka na pangpang, angka na mapitung dohot angka na martihas.’

LUKAS 14:21 Iomraidhean Croise

MASMUR 2:12

Ulang jabat Tuhan gabe muruk, jana manigor hona pusa hamu, harana manigor mura do ro murukNa. Martua ma halak na marlinggom di Tuhan i!

MASMUR 38:7

Arun songon na manutung pamatangku, nada adong be togar simanarengku.

JESAYA 35:6

Marhujingjang ma halak na lumpuon songon ursa, marsurak ma halak na ngungu marjop ni roha. Di padang parhorsihan ruar ma mual ni aek, di padang halongonan mardalan ma batang aek.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

ZAKARIA 11:11

Laing di na sadari i, dibotalkon ma antong parjanjian i. Dipamanat-manat angka parjagal i ma au, jana mamoto ma halahi na manghobari do hape Tuhan markite-hite sandok pangalahongki.

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

MATEUS 11:28

“Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 15:12

Dung i gabe didok anak siseanNia i ma tuSia, “Diboto Guru i dehe na goyak roha ni halak Parise i, umbege hata na nidok ni Guru i?”

MATEUS 18:31

Jadi dung diida angka naposo na asing i na masa i, hancit ma roha ni halahi. Diaduhon halahi ma tu raja i.

MATEUS 20:7

Dialusi halahi ma, ‘Inda adong sahalak pe na mangalehen karejo di hami.’ ‘Anggo songon i, dohot ma hamu markarejo di kobun anggurki,’ ninna nampuna kobun i.

LUKAS 14:13

Tapi muda mambaen pesta ho, halak na pogos ma da ontang, angka na martihas, angka na pangpang dohot halak na mapitung,

LUKAS 14:20

Na asing muse mandok, ‘On dope au mambuat boru, jadi nada tarbaen au ro.’

LUKAS 14:22

Didok naposo i ma, ‘Madung nipalalu parenta ni tuan i, tapi laing bahat dope inganan na so marisi.’

LUKAS 14:24

Ingot ma! Umpe sahalak sian tamu na dung niontang i hian mandai sipanganon na di horjangkon!’ ”

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

LUKAS 9:10

Mulak ma angka rasul ni Jesus i jana dicaritohon halahi ma tu Jesus sude na dung dikarejohon halahi. Dung i dioban Jesus ma halahi tu sada kota na margoar Betsaida.

JOHANNES 9:39

Didok Jesus ma, “Laho mandalankon uhum do umbaen na ro Au tu portibi on; anso marnida angka na mapitung jana halak na marnida gabe mapitung.”

IBRANI 13:17

Ihutkon hamu ma angka parenta na sian pamimpinmunu jana oloi hamu ma na nidok ni halahi. Angke tongtong do diparrohahon halahi tondimunu jana angkon martanggung jawab do halahi tu Debata. Muda dioloi hamu do halahi, tarbaen halahi ma markarejo di bagasan sonang ni roha; muda inda songon i, humolos ma halahi na karejo i, jana nada adong ro labo sian na songon i di hamu.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

HALUMBAAN 19:15

Ruar ma sian pamanganNia i sada podang na tajom, jana podang i ma baenonNia manaluhon angka bangso jana parentaonNia ma halahi dohot tungkot bosi. PoroonNia ma anggur di panggilingan ni anggur haririmas ni Debata Parkuaso Na Sumurung i.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

1 SAMUEL 2:8

Sian abuan diangkat Ia halak na so mararta sian pardangolan halak na bile dipalua Ia. Dibaen Ia halahi dongan ni angka na mora-mora, jana dilehen muse juguhan na sangap. Debata do nampuna ojahan ni portibi on dipajongjong Ia di ginjangna tano on.

1 SAMUEL 25:12

Jadi mulak ma parangan ni si Daud i mandapotkon si Daud paboahon tusia angka hata na nidok ni si Nabal i.