LUKAS 14:18 - BIBEL JAMITA NA DENGGAN

¹⁸ Tapi sude halahi, pasada-sada marsibaen sidalianna. Didok na parjolo i ma tu naposo i, ‘Na baru manobusi saba dope au. Jadi angkon ligionku jolo tano i. Mangido maap ma jolo au.’

LUKAS 14:18 Iomraidhean Croise

JEREMIA 6:10

Tu ise ma lakna mangkobari jana marsaksi anso diparate-atehon halahi? Satutuna, nada marsunat pinggol ni halahi, jadi nada marbinege! Satutuna, gabe incak-incak do hataNia di halahi, jana nada dihagioti halahi!

LUKAS 14:17

Jadi mandapotkon ari na nitontuhon mamungka horja i, disuruhon ia ma angka naposonia mandapotkon angka tamu na niontang i mandok, ‘Ro ma hamu, madung singkop sude!’

LUKAS 14:19

Na asing mandok, ‘Na baru hutobusi dope lima pasang lombu, jana giot mancubo angka lombu i jolo au. Mangido maap ma da au.’

LUKAS 18:24

Dung i diligi Jesus ma ia, jana didok, “Na maol ma sahalak na mora masuk tu Harajaan Ni Debata!

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

JOHANNES 1:11

Ro ma Ia tu luatNia sandiri, hape nada dijagit bangsoNia i Ia.

JOHANNES 5:40

Hape nada ra hamu ro tu Au laho manjagit hangoluan na so mantak.

PILIPPI 3:4

Nian tarbaen au do marguru tu angka upacara i. Angke sugari adong halak na mandok di bagasan rohana tarbaen ia marguru tu angka upacara i ia, mur au ma.

2 TIMOTEUS 4:10

harana madung ditinggalkon si Demas au hara ni holong ni rohania tu portibi on. Madung kehe ia tu Tessalonika. Si Kreskes pe madung kehe tu Galatia jana si Titus tu Dalmatia.

2 TIMOTEUS 4:4

Dipahusor halahi do pinggol ni halahi sian na sintong, tapi patinggilon ni halahi do i tu angka turiturian na so tutu.

IBRANI 12:16

Jagohon hamu ma anso ulang adong na gabe siparkamainan sanga na so mangargahon angka pangalaho na badia songon na nibaen ni si Esau. Digadis ia haknia songon anak siangkaan, hum hara ni samangkuk sipanganon.