LUKAS 14:15 - BIBEL JAMITA NA DENGGAN

¹⁵ Umbege hata i mangkuling ma sahalak sian na niontang i tu Jesus, “Martua ma halak na mangan di Harajaan Ni Debata!”

LUKAS 14:15 Iomraidhean Croise

MATEUS 25:10

Gabe kehe ma bujing-bujing na oto i manobusi miak. Jadi taran na kehe i halahi, lalu muse ma bayo pangoli i. Masuk ma bujing-bujing na marroha i rap dohot bayo pangoli i tu bagas parpestaan i. Ditutup ma pintu i!

MATEUS 8:11

Tapi ingot hamu ma na Hudok on! Bahat do halak na giot ro sian Habincaran dohot sian Hasundutan anso rap marpesta marjop ni roha dohot si Abraham, si Ishak dohot si Jakob di bagasan Harajaan Ni Banua Ginjang.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 13:29

Marroan ma halak sian Habincaran dohot Hasundutan, sian Utara dohot sian Selatan jana juguk ma halahi marsipanganon di Harajaan Ni Debata.

LUKAS 22:16

Angke Hudok ma di hamu: Nada panganonKu be sipanganon on lopus dipatulus arti ni parjamuan on di na nipajongjong Debata HarajaanNia.”

LUKAS 22:30

Tola ma hamu rap dohot Au marsonang-sonang di HarajaanKi. Jana juguhanmunu ma dua bolas habangsa laho manguhumi halak Israel sidua bolas marga i.”

HALUMBAAN 19:9

Dung i didok ia ma tu au, “Suratkon ma on: ‘Martua do sanga ise halak na dung niontang tu pesta parbagason ni Anak Ni Biri-biri i.’ ” Dung i didok surusuruan i muse dope tambana, “On ma angka hata na sintong na sian Debata.”