LUKAS 14:13 - BIBEL JAMITA NA DENGGAN

¹³ Tapi muda mambaen pesta ho, halak na pogos ma da ontang, angka na martihas, angka na pangpang dohot halak na mapitung,

LUKAS 14:13 Iomraidhean Croise

2 SAMUEL 6:19

lalu dibagi-bagihon ia ma panganon tu halahi sude. Sandok halaklahi dohot dadaboru na adong disi dilehen ma sada be roti, santanggo be juhut na ditutung dohot kue na hiang saotik be. Dung sidung i, marmulahan ma halahi sude tu bagasna be.

2 JUJUR TAON 30:24

Disumbangkon Raja Hiskia ma saribu lombu jantan dohot pitu ribu biri-biri jana ia dohot angka pagawai ni si Hiskia manyumbangkon 1.000 lombu jantan dohot 10.000 biri-biri. Dilehen ma sude pahan-pahanan i tu rayat i anso disambol jana dipangan. Bahat sajo do malim na mangias dirina.

NEHEMIA 8:10

Saonnari mulak ma hamu di bagasan jop ni roha. Lehen hamu ma deba sian sipanganon dohot anggurmunu tu angka halak na marhahurangan. Ari na marhapunjungan do ari on di Tuhanta, antong ulang hamu marsak. Hamogaan na nilehen ni Tuhanta di hamu, i ma na patogu rohamunu.”

NEHEMIA 8:12

Jadi marmulahan ma rayat i sudena laho mangan dohot minum lalu mambagi-bagihon panganon tu angka donganna na asing. Marjop ni roha ma halahi hara ni na dung mangarti di astuan ni na disise na nibege ni halahi i.

JOB 29:13

Dipuji halak na marhasusaan situtu do au, huurupi do lopus sonang angka na mabalu.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 22:9

Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

JESAYA 58:10

Usehon ma rohamu tu halak na malean, jana pasombu ma roha ni halak na targogot. Muda dibaen hamu songon i gabe bincar ma sinondangmunu di bagasan hagolapan jana hagolapanmunu gabe songon torang ni ari.

JESAYA 58:7

Bagi hamu ma panganonmunu tu halak na malean jana jagit hamu ma masuk tu bagasmu angka halak na mompas-ompas. Muda diida hamu halak na marsaemara lehen hamu pakean tu halahi, jana ulang tulak hamu sisolkotmu na manghaporluhon pangurupionmu.

MATEUS 15:30

Marroan ma bahat halak mandapotkon Ia maroban angka na timpang, na mapitung, na onyangon, na ngungu dohot angka na marnyae na asing. Dipayakkon halahi ma angka na marnyae i di lambung pat ni Jesus. Gabe dipamalum Jesus ma halahi.

MATEUS 22:10

Gabe kehe ma antong angka naposonia i. Tu angka dalan godang ma halahi kehe palagutkon halak sude na marsuo dohot halahi disi. Halak na burju dohot na jahat pe. Gabe gok ma bagas parhorjaan i dibaen angka tamu i.

LUKAS 11:41

Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

LUKAS 14:12

Dung i didok Jesus ma tu suhut i, “Muda diontang ho halak mangan arian sanga mangan borngin, ulang ma ontang angka dongan-donganmunu sanga angka kahanggimunu sanga pe angka koum-koummunu sanga angka hombar bagasmu na kayo-kayo. Angke ontangon ni halahi do ho muse jadi dapotan balos do pambaenanmi muda songon i.

LUKAS 14:14

jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”

LUKAS 14:21

Jadi mulak ma naposo i paboahon sudena i tu tuannia. Muruk sajo ma tuan i. Didok ia ma tu naposonia i, ‘Antong ompoti ma kehe tu angka dalan dohot tu suhi-suhi ni kota on, oban ma tuson angka halak na pogos, angka na pangpang, angka na mapitung dohot angka na martihas.’

BAENON NI ANGKA RASUL 9:39

Manigor jongjong ma si Petrus mangihutkon halahi. Jadi dung lalu disi, dioban ma ia tu bilik na di ginjang i. Martangisan ma sude angka ina na mabalu mangarongomi si Petrus, dipatidahon halahi ma tusia angka baju dohot juba na nijait ni si Dorkas di halahi dompak mangolu ia.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”

PANGARATAION 16:11

Marjop ni roha ma hamu di adopan ni Tuhan, di inganan paribadatan na sada i, rap dohot angka dakdanakmunu, angka naposomunu dohot halak Levi, halak na asing, na so marama dohot angka na mabalu na tinggal di hutamunu.

PANGARATAION 16:14

Marmoga-moga ma hamu rap dohot angka dakdanakmunu, angka hatobanmunu, halak Levi, halak sileban, dakdanak na so marama dohot angka na mabalu na maringanan di hutamunu.

1 TIMOTEUS 3:2

Hara ni i, sanga ise na gabe pamimpin ni parlagutan, angkon halak na so martilako ma; angkon sada sajo do dadaborunia; bisa mangorom dirina, na malo jana na maraturan; angkon jop do rohana manjagit tamu di bagasna; jana ringgas mangajari halak;

1 TIMOTEUS 5:10

tarbarita ia songon sada ina na dung mambaen pangalaho na denggan; isarana: Denggan dipagodang-godang ia angka dakdanaknia, sonang rohana manjagit angka tamu di bagasna, tata bohina manyambut angka na porsaya, dohot na mangurupi halak na susa – pendekna madung dibaen ia sian situtu ni rohana sude ragam ni karejo na denggan.

TITUS 1:8

Angkon jop do rohana manjagit tamu di bagasna, na mangkagioti pangalaho na denggan, na malo mangorom dirina, na jujur, ias jana maraturan.

PILEMON 1:7

Hara ni holong ni rohami Pilemon, gabe tamba do jop ni rohangku jana mur maringgas! Gabe tarapul do sude roha ni angka dongan sahaporsayaan hara ni ho.

IBRANI 13:2

Ulang pola gamang hamu manjagit dongan na so haru tangkas dope ditanda hamu. Angke di na patupahon na songon i sian na so pamotoan, madung dijagit ia surusuruan di bagasnia.