LUKAS 14:11 - BIBEL JAMITA NA DENGGAN

¹¹ Angke sude halak na pagincatkon dirina sipatoruhon do, jana sude halak na patutoru dirina sipagincaton do.”

LUKAS 14:11 Iomraidhean Croise

2 SAMUEL 22:28

Ingkon do sai ditolong Tuhan halak na patoruk rohana, tapi dipatoruk Ia do halak siginjang roha.

ESTER 6:10

Jadi didok raja i ma tu si Haman, “Patibu, buat ma pakean dohot kudo i jana lehen ma angka tanda hasangapan i tu si Mordehai, halak Jahudi i. Baen ma songon na nidokmu nangkin, ulang urahi hum sada pe. Bolas do dapotonmu ia juguk-juguk di jolo ni pintu horbangan ni bagas godang on.”

JOB 22:29

Patutoruon ni Tuhan do halak siginjang roha, hape anggo na serep marroha paluaonNa ma.

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MASMUR 18:27

Dipalua Ho do angka na toruk roha, dipatunduk Ho do na ginjang roha.

PODA 15:33

Biar maradopkon Tuhan, i ma ojahan ni pangajaran. Toruk ni roha manjoloi hasangapan.

PODA 18:12

Muli madabu do halak na gakgak halak na toruk roha dapotan sangap.

PODA 25:27

Nada denggan mangan aer ni loba marlobian, songon i muse ma nada denggan manjalahi bahat pujian.

PODA 29:23

Na laho madabu do siginjang roha sipasangapon do halak na toruk roha.

JESAYA 2:11

Dapot ma hatihana parenjepon halak na gakgak, halak siginjang roha patunduhon, jana Tuhan i sandiri noma sipasangapon. Anggo di ari i patutoruon ni Tuhan noma sude sanga ise na markuaso, na ginjang roha dohot halak na gakgak.

JESAYA 2:17

Patutoruon ma halak na gakgak, jana papatuon ma halak na ginjang roha. Mago noma angka gana-ganaan sian sisik ni tano on. Anggo di ari i hum sasada Tuhan noma sipasangapon.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

MATEUS 23:12

Halak na patugincat dirina angkon dipatoruk. Dung i halak na patoruk dirina angkon patugincaton.”

LUKAS 1:51

Dohot tanganNia na gogo i diparsuakkon Ia angka halak na sombong, jana dipasarsar Ia tahi ni halahi.

LUKAS 1:52

Dipaijur Ia angka raja sian juguhanna jana dipagincat Ia angka halak na bile.

LUKAS 14:12

Dung i didok Jesus ma tu suhut i, “Muda diontang ho halak mangan arian sanga mangan borngin, ulang ma ontang angka dongan-donganmunu sanga angka kahanggimunu sanga pe angka koum-koummunu sanga angka hombar bagasmu na kayo-kayo. Angke ontangon ni halahi do ho muse jadi dapotan balos do pambaenanmi muda songon i.

LUKAS 18:14

Jadi Hudokkon ma tu hamu: “Mulak ma halak on songon halak na nipatigor ni Debata jana halak na asing i nada. Dibaen barang ise na paginjangkon dirina, nipatutoru do muse; tapi na patutoruhon dirina, dipatuginjang do muse.”

JAKOBUS 1:9

Sanga ise halak Kristen na pogos, jop ma rohania muda dipagincat Debata ia.

JAKOBUS 4:10

Patoruk hamu ma dirimunu di jolo ni Tuhan, gabe patuginjangon ni Tuhan i ma hamu.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

1 SAMUEL 15:17

Didok si Samuel ma, “Inda he na dung gabe pamimpin raja i di angka marga ni Israel, haru pe na so porlu dietong raja i dirina? Na dung dipili ni Tuhan do raja i gabe raja di Israel,