LUKAS 14:1 - BIBEL JAMITA NA DENGGAN

¹ Sanoli topet Ari Sabat, kehe ma Jesus mangan tu bagas ni sada pamimpin ni angka Parise. Sai torus do dipamanat halak Jesus disi.

LUKAS 14:1 Iomraidhean Croise

MASMUR 37:32

Anggo parjahat sai na mangintip do i tu halak na denggan, jana manjalahi haputusan laho mamunusa.

MASMUR 41:6

Angka na marroan mangaligi au, marroha na jat do halahi tu au. Dipalagut halahi do hata-hata na so ture salaho tu au, jana dipasarsar halahi ma i sun tu jae tu julu.

MASMUR 62:4

Hum na giot mandabuhon ia do halahi sian pangkatna na timbo; jop do roha ni halahi margabus; markite-hite pamangan halahi mamasumasu, tapi mamurai do halahi di bagasan roha.

PODA 23:7

Harana, dokkononnia do i, “Tole mangan hita; tambai hamu da,” hape anggo rohania nada songon i. Hum tabo begeon do hatania, tapi anggo rohana asing do.

MATEUS 12:12

On pe, ummarga dope jolma sian biri-biri! Anggo songon i, tola do tolongon halak di Ari Sabat.”

MARKUS 3:2

Topet muse adong disi halak na giot manjalahi hasalaan ni Jesus, anso taraduhon halahi Ia. Jadi torus ma sai diparate-atehon halahi Jesus sanga na ra do Ia pamalumkon hatiha Ari Sabat.

LUKAS 11:37

Dung sidung Jesus mandok hata, diontang sada halak Parise ma Ia mangan tu bagasna; dung i masuk ma Ia, juguk jana mangan.

LUKAS 14:2

Ompot ma ro sada halak na sigurbahon jongjong di adopanNia.

LUKAS 17:20

Jadi dung disapai halak Parise i Jesus, sanga andigan ma pajongjongon ni Debata HarajaanNia. Jadi dialusi Ia ma, “Nada adong tanda-tanda na bisa idaon ni jolma paboa na dung jongjong Harajaan Ni Debata.”

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.

LUKAS 6:7

Tangkas ma diparrohahon deba Siboto Surat dohot halak Parise sanga na dipamalum Jesus do na marnyae i di Ari Sabat. Angke na manjalahi hasalaan ni Jesus do halahi anso taraduhon halahi Ia.

JOHANNES 3:1

Adong ma sada halak Parise na margoar si Nikodemus pamimpin ni halak Jahudi.

BAENON NI ANGKA RASUL 5:34

Tapi adong ma sahalak Parise sian parrapotan i, na margoar si Gamaliel, Siboto Surat na niparsangapi ni halak na bahat. Jongjong ma ia jana dipangido ia ma anso nioban angka rasul i santongkin tu ruar.