LUKAS 13:8 - BIBEL JAMITA NA DENGGAN

⁸ Tapi dialusi tukang kobun i ma, ‘Tuan, padiar ma jolo sataon on laing mangolu hayu i. Huhuar ma jolo lubang humaliang bonana i anso ninapuan.

LUKAS 13:8 Iomraidhean Croise

MASMUR 106:23

Hara ni i gabe tubu di rohaMu laho mangabisi bangsoMi, tapi diambati si Musa, halak na nitodoMi. Ia gabe panonga-nongai di halahi gabe mombun antong rimasMi.

HARURUAR 34:9

Didok ia ma, “Tuhan, muda na tutu ma lomo rohaMu mida au, pangidoanku, ale Tuhan, mardalan ma sugari Tuhan di tonga-tonganami; haru pe bangso sijogal rungkung bangso on, laing ampuni ma hasalaan dohot dosanami; jagit ma hami songon bangsoMu sandiri.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 18:20

Patut ma he baloskonon hadengganan dohot hajahatan? Hape madung dihuar halahi godung anso madabu au tu bagasan. Ingot ma na dung huondihon halahi di adopanMu anso ulang muruk Ho tu halahi.

JOEL 2:17

Angka malim na manghobasi di Bagas Ni Tuhan, di antara ni langgatan dohot emper parjolo an, tangis jana mangandungi di jolo ni langgatan jana didok ma, “Haholongi ma ale Tuhan, bangsoMon ulang padiar bangsoMon marlayas jana diparkanciti, jana gabe siincahan ni angka bangso na asing. Biasi sai didokkon halak di tonga-tonga ni angka bangso, ‘Di dia do Debata ni halahi?’ ”

LUKAS 13:7

Jadi didok ia ma tu panjago kobun i, ‘Ligi ma, madung tolu taon honokna ro au tuson laho manjalahi batu ni gala-gala on, hape sada pe nada adong dapot au. Aha dope, taba ma bonana i. Aha gunana laing torus ia disi mangolu mangabiskon napu ni tano i!’

LUKAS 13:9

Betak marbatu ia di taon na ro. Tapi muda nada be, taba ma.’ ”

LUKAS 14:35

Nada adong muse be guna ni i. Tu ladang pe nada marguna, jana gabe napu pe nada marguna. Ambungkonon ni halak sajo noma sira na songon i. Barang ise na marpinggol laho marbinege, ditangihon ia ma!”

SURAT NI SI PAULUS TU PARLAGUTAN ROM 10:1

Ale angka dongan, anggo pangidoan ni rohangku dohot tangiangku tu Debata anso dipalua halahi nian.

SURAT NI SI PAULUS TU PARLAGUTAN ROM 11:14

Anggo ninna rohangku tarbaen au do mangiburu roha ni dongan sabangsongki, anso tarpalua nanggo apala deba nian sian halahi.

2 PETRUS 3:9

Nada tarlambat Debata mangalehen sanga aha na nijanjihonNia songon na nipikiran ni deba halak. Tapi sobar do Ia paadop-adop hamu, angke sahalak pe nada dihagioti Ia mago. GiotNia ulang so muba nian sude roha ni jolma sian angka dosana be.