LUKAS 13:7 - BIBEL JAMITA NA DENGGAN

⁷ Jadi didok ia ma tu panjago kobun i, ‘Ligi ma, madung tolu taon honokna ro au tuson laho manjalahi batu ni gala-gala on, hape sada pe nada adong dapot au. Aha dope, taba ma bonana i. Aha gunana laing torus ia disi mangolu mangabiskon napu ni tano i!’

LUKAS 13:7 Iomraidhean Croise

HARURUAR 32:10

Jadi padiar ma anso marpiar-piar murukKu tu halahi anso Hupasude halahi; tapi anggo ho Hubaen pe gabe bangso na godang.”

DANIEL 4:14

Gogo ma sorania mangkuling mandok, ‘Taba ma hayu i jana tultuli ma angka dangkana, rurus ma bulungna i jana sarsarkon batuna i. Paorot ma angka binatang na marmodoman di toruna i dohot angka unggas na marasari di dangka-dangkana i.

HAMALIMON 19:23

Muda masuk hamu tu Kanaan, jana manyuan hayu na marparbatu sanga aha pe i, angkon etongon ni rohamunu do na haram batuna i salolot tolu taon parjolo. Salolot ni i nada tola panganonmunu parbatuna.

HAMALIMON 25:21

Di taon paonomkon pasupasuon ni Tuhan ma tano i gabe tuk panganon tolu taon suhana i.

MATEUS 7:19

Sude suan-suanan na so denggan marbatu, tabaon do i anso nitutung.

LUKAS 13:8

Tapi dialusi tukang kobun i ma, ‘Tuan, padiar ma jolo sataon on laing mangolu hayu i. Huhuar ma jolo lubang humaliang bonana i anso ninapuan.

LUKAS 3:9

Madung singkop kampak laho manaba angka hayu lopus tu angka uratna i. Angkon tabaon noma sandok hayu na so marbatu na denggan jana ambungkononkon tu bagasan api.”

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.