LUKAS 13:4 - BIBEL JAMITA NA DENGGAN

⁴ Bia muse ma sisalapan bolas halak na mate di Siloam, na nitinggang ni palas-palas halahi? Ning rohamunu i ma patuduhon na bahatan dosa ni halahi sian pado sude angka halak na asing na maringanan di Jerusalem?

LUKAS 13:4 Iomraidhean Croise

1 RAJA-RAJA 20:30

Sanga ise na malua, kehe ma lari tu kota Afek, hape matolbak ma tembok ni kota i mandondoni dua pulu pitu ribu halak sian halahi. Si Benhadad pe masuk muse ma tu kota i jana martabuni ma ia di sada bagas di kamar parbagasan.

NEHEMIA 3:15

Si Salum anak ni si Kolhose, parkuaso ni distrik Mispa: Pintu Horbangan Mata Mual dohot tarupna, angka pintu, angka baut dohot angka palangna. Dohot muse tembok ni Tobat Selah na di lambung ni taman bagas godang lopus tu tangga-tangga panuatan sian Kota Ni si Daud.

JOB 1:19

Jadi ma ro halingsungsung mangombus sian sabola parhorsihan jana ditondong ma bagas i lopus rumpak jana mate do sude anak ni tuan i didondoni. Hum au sajo ma i na malua anso adong na paboahon barita tu tuan i.”

JESAYA 8:6

ning Ia ma, “Ditulak bangso on do aek na sonang na sian anak ni Batang aek Siloa, jana mar jop ni roha mida Raja Resin dohot anak ni si Remalya.

MATEUS 18:24

Dung dipungka ia na maretong dioban ma mangadop tusia sahalak naposonia i. Marutang ma naposonia i marjuta-juta,

MATEUS 6:12

sesa ma angka dosanami, songon hami manyesa dosa ni angka na mardosa tu hami,

LUKAS 11:4

Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

LUKAS 13:3

Nada! Tapi ingot hamu ma, anggo so muba do hamu sian angka dosamunu, hamu pe laing mate do sude songon halahi.

LUKAS 13:5

Nada! Tapi ingot hamu ma, hamu pe angkon laing mate do sude sarupa dohot halahi, muda so muba hamu sian angka dosamunu i.”

JOHANNES 9:11

Dialusi ia ma, “Bayo na margoar Jesus i, dibaen Ia saotik bustak di tano i, dung i didaiskon Ia ma bustak i tu matangku jana ning Ia ma, ‘Kehe ma ho marsuap tu tobat Siloam.’ Jadi kehe au. Jana disi marsuap au, marnida ma matangkon,” ning ia.

JOHANNES 9:7

jana didok Jesus ma tusia, “Kehe ma ho marsuap tu tobat Siloam.” (Siloam astuanna “Na nisuru”.) Jadi kehe ma bayo i marsuap paiaskon bohinia. Di na mulak ia marnida ma matania i.

BAENON NI ANGKA RASUL 28:4

Jadi dung diida halak pulo i laing gantung ulok i di tangannia, marsidokkon hatana ma halahi sama halahi, “Tontu sibunu jolma do bayo on, harana haru pe na dung malua ia sian parmaraan na di laut i, nada dipaloas Dewi Hasintongan i ia mangolu,” ninna halahi.