LUKAS 13:32 - BIBEL JAMITA NA DENGGAN

³² Dialusi Jesus ma, “Kehe ma ho paboahon tu sorigala i, ‘Sadari on lopus tu ancogot mangusir setan do Au dohot pamalum angka na marnyae, tapi pasidungonKu ma i di ari patoluhon.’

LUKAS 13:32 Iomraidhean Croise

ENDE NA GODANG 2:15

Hamu ale angka dongan, tangkup hamu ma di hami, sorigala na menek-menek, painte so sanga dope halahi manyegohon kobun anggur na topet hajegesanna.

JEHESKIEL 13:4

Ale Israel, nada marguna angka panurirangmunu i, tudos do i tu angka sorigala na mangolu di tonga-tonga ni halongonan.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

MARKUS 6:14

Lalu do angka barita na songon i tu Raja Herodes. Harana ma tarbonggal do goar ni Jesus sanga na di dia. Adong halak na mandok, “Madung mulak mangolu si Johannes Pandidi sian na mate. I do umbaen na margogo Ia mambaen angka tanda hahomangan i.”

JOHANNES 10:32

Tapi didok Jesus ma tu halahi, “Madung diida hamu Au mambaen angka karejo na denggan, na nisuruhon ni Damang karejohononKu; sian sude parkarejoan i, hara ni karejo na dia ma umbaen giot dangguranmunu Au?”

JOHANNES 19:30

Diincop Jesus ma anggur i, dung i ning Ia ma, “Madung marujung!” Jadi dipaunduk Ia ma uluNia, tos ma hosaNia.

IBRANI 2:10

Madung sapatutna nian baenon ni Debata na manompa jana na pangolu sasudena – Jesus gabe sanggam hara ni parkancitanNa i. Jadi hara ni i tarpiohon Jesus do bahat halak anso dohot nipasangap rap dohot Ia. Angke Ia do na mambaen dalan di halahi anso tola dohot nipalua.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

IBRANI 7:28

Angka halak na so sanggam do na niangkat ni angka Tona ni ugamo Jahudi gabe Malim Godang. Tapi di pudi ni angka Tona i, dibaen Debata ma janji mardongan sumpa, diangkat Ia do gabe Malim Godang, Anak na sanggam i ro di salolot-lolotna.