LUKAS 13:13 - BIBEL JAMITA NA DENGGAN

¹³ Dung i dipayakkon Jesus ma tanganNia tu anak boru i, jana laing di na santongkin i manigor tigor ma pamatang ni anak boru i, jana dipuji-puji ia ma Debata.

LUKAS 13:13 Iomraidhean Croise

MATEUS 9:8

Jadi mabiar ma halak na midaan i, gabe dipuji halahi ma Debata hara ni kuaso na songon i godang, na dung dilehen Debata di jolma.

MARKUS 16:18

Muda ditiop halahi ulok sanga tarinum halahi rasun, inda pola bagi mahua halahi. Muda diampehon halahi tanganna tu ginjang ni halak na marnyae, gabe malum ma dilala halahi.”

MARKUS 5:23

mangidohon dohot gomos anso ro jolo Jesus pamalum anaknia. Didok ia ma tu Jesus, “Marnyae do borungku. Tolong ma jolo ro Ho mamayakkon tanganMu tusia anso malum ia, jana ulang mate!”

MARKUS 6:5

Jadi inda tarbaen Jesus disi hahomangan. Hum piga-piga halak do na nipamalumNia na marnyae dung diampehon Ia tanganNia tu halahi.

MARKUS 8:25

Dung i dipayakkon Jesus ma mangulahi tanganNia tu mata ni bayo i, jadi tutu ma bayo i marnida, jana madung malum, jadi bisa ma ia marnida dohot torang.

LUKAS 13:12

Dung diida Jesus anak boru i, dipiohon ma ia. Didok Jesus ma tusia, “O inang, malum ma ho saonnari!”

LUKAS 18:43

Jadi manigor marnida ma ia, asa diihutkon ia ma Jesus jana dipuji-puji ia ma Debata. Sude halak na midaan pangalaho i dohot muse ma mamuji-muji Debata.

LUKAS 4:40

Dung lusut mataniari, sude halak na adong na marnyaena sanga na nyae aha pe, diparobani be ma i tu Jesus. Dipayakkon Jesus ma tanganNia tu halahi pamalumkonsa.

BAENON NI ANGKA RASUL 9:17

Si Ananias pe antong kehe ma tu bagas i jana dipayakkon ia ma tangannia tu si Saulus. Didok ia ma, “Ale Saulus, kahanggingku, Tuhan Jesus na niidami di tonga dalan laho tuson ho, Ia do na marsuru au mandapotkon ho anso marnida ho mangulahi jana digohi Tondi Parbadia.”