LUKAS 13:12 - BIBEL JAMITA NA DENGGAN

¹² Dung diida Jesus anak boru i, dipiohon ma ia. Didok Jesus ma tusia, “O inang, malum ma ho saonnari!”

LUKAS 13:12 Iomraidhean Croise

MASMUR 107:20

Dipamalum Ia halahi i dohot parentaNia, jana dipalua Ia halahi i sian kuburan.

JESAYA 65:1

Rade do Au mangajari halak na so manyapai Au. Rade do Au dumpangan ni halak na so manjalahi Au. NingKu do: “Dison do Au, dison do Au” tu bangso na so mamio goarKu.

JOEL 3:10

Topa ma pangkurmu gabe podang, dohot piso parpangkas gabe parkokas laho maniham. Halak na gale-gale pe dohot mandok, ‘Tolap au do marporang songon tentara!’

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 8:16

Dung marayak potang, dioban halak ma tu Jesus bahat angka na hona setan. Dohot hata sajo do diusir Jesus angka begu i, dipamalum Ia muse ma sude halak na marnyae i.

LUKAS 13:11

Adong ma disi sada dadaboru na jabat salapan bolas taon honokna marnyae hara ni tondi na jahat ro tusia. Puhung noma pamatangna i jana nada tarbaen ia be tigor jongjong.

LUKAS 13:13

Dung i dipayakkon Jesus ma tanganNia tu anak boru i, jana laing di na santongkin i manigor tigor ma pamatang ni anak boru i, jana dipuji-puji ia ma Debata.

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”