LUKAS 13:11 - BIBEL JAMITA NA DENGGAN

¹¹ Adong ma disi sada dadaboru na jabat salapan bolas taon honokna marnyae hara ni tondi na jahat ro tusia. Puhung noma pamatangna i jana nada tarbaen ia be tigor jongjong.

LUKAS 13:11 Iomraidhean Croise

JOB 2:7

Jadi kehe ma Sibolis sian jolo ni Tuhan, jana dipatubu ia ma baro sap sude pamatang ni si Job mamungka sian palampak ni patna i lalu tu ambubunia.

MASMUR 145:14

Diurupi Ho do halak na di bagasan hasusaan, jana dipadorgak Ho do halak na dung unduk.

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

MASMUR 38:6

Puhung au, magete ate-atengku, sasadari sai marsak jana susa rohangku.

MASMUR 42:5

Biasi marsak au jana susa rohangki? Tu Debata noma au mararop roha, jana mandok tarimakasi tuSia, tu Debatangku jana Sipalua au.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MARKUS 9:21

Dung i disapai Jesus ma amangna i, “Ma sadia honok dung songon on dakdanak on?” “Mulai sian na menek do!” ning amangna i.

LUKAS 13:12

Dung diida Jesus anak boru i, dipiohon ma ia. Didok Jesus ma tusia, “O inang, malum ma ho saonnari!”

LUKAS 13:16

Antong, saonnari dison adong sada halak anak boru pinompar ni si Abraham, na dung pola salapan bolas taon honokna dirahuti Sibolis i. Na so tola dehe ia dipalua sian ihot-ihotnia di Ari Sabat?”

LUKAS 21:28

Jadi muda dung mamungka tarjadi na songon i, jongjong ma ho jana padorgak hamu ma ulumunu, angke santongkin nari paluaon ma hamu.”

LUKAS 8:2

Songon i muse angka dadaboru na dung dipamalum sian angka tondi na jahat dohot nyae. I ma si Maria na nigoaran muse si Magdalena (pitu begu dipaorot sian ia);

LUKAS 8:27

Dung mijur Jesus tu darat, didapotkon sada bayo na hona tondi na jahat ma Ia. Na ro sian kota i do bayo i. Honok ma nada ra marpakean jana nada ra tinggal di bagas bayo i. Hum na di liang ni kuburan ma ia.

LUKAS 8:43

Adong ma disi sahalak anak boru na sai ro bulanna ma jabat dua bolas taon. Madung abis sinadongannia dipake ia manggarari pangubati hape nada adong na tolapsa pamalumkon ia.

BAENON NI ANGKA RASUL 3:2

Di pintu na margoar “Pintu Na Jeges”, adong ma sada bayo na pangpang hian sian mulai sorang. Ganop ari do bayo on dioban halak tusi mangido-ido sidoka tu angka jolma na marroan tu Bagas Ni Debata.

BAENON NI ANGKA RASUL 4:22

Boti pe hara ni bayo na manjagit hamalumon na so jungada masa i, na dung marumur lobi opat pulu taon.