LUKAS 12:7 - BIBEL JAMITA NA DENGGAN

⁷ Obuk na di ulumunu i pe madung dietong i sude, hara ni i ulang hamu mabiar; dao do ummarga hamu sian angka amporik!”

LUKAS 12:7 Iomraidhean Croise

2 SAMUEL 14:11

Didok anakboru i ma, “Sugari nian ditangiangkon raja i ma jolo tu Tuhan Debata ni raja i, anso ulang jabat dibaen halak na giot mamalos hamamate ni anakki nian hajahatan na gumodang dope marhite na mamunu anakku na sada nari i.” Dialusi si Daud ma, “Mangasahon Tuhan na mangolu i, indada hahuaon anakmi, haru hum saotik pe.”

JOB 35:11

Dilehen Debata do bisuk tu jolma i lobi sian unggas dohot binatang na adong di portibi.

MASMUR 8:6

Dilehen Ho disia kuaso maradopkon na nitompaMu, madung dipatunduk Ho tusia sasude na adong.

MATEUS 12:12

On pe, ummarga dope jolma sian biri-biri! Anggo songon i, tola do tolongon halak di Ari Sabat.”

MATEUS 6:26

Ligi hamu ma jolo angka unggas na habang i pahae-pahulu. Nada manyabur same halahi, nada manyabi, nada adong palagutkon suha ni saba halahi tu talobat. Tapi haru pe songon i, dipahan Amangmunu na di banua ginjang i do halahi. Nada he dao dope ummarga hamu sian angka unggas i?

LUKAS 21:18

Tapi sada obuk pe sian ulumunu i nada tola mago.

BAENON NI ANGKA RASUL 27:34

Hupangido mangan ma hamu jolo bope hum saotik. Denggan do i anso margogo hamu mangulahi. Harana angkon laing malua do hamu sude jana nada pola hurangan hamu sanga aha,” ninna si Paulus.

1 SAMUEL 14:45

Tapi mangkuling ma rayat i tu si Saul, “Angkon mate hona uhum ma he si Jonatan? Inda he ia na maroban hamonangan godang on? Nada! Marjanji do hami mangasahon Tuhan na mangolu i, na so tola agoan obuk sangkamata pe si Jonatan sian ulunia. Angke hara ni panolong ni Tuhan do umbaen na dapotan hamonangan ia di ari sadari on.” Songon i ma rayat i paluahon si Jonatan sian uhum hamatean.