LUKAS 12:41 - BIBEL JAMITA NA DENGGAN

⁴¹ “Tu hami do na nidokmu pangajaran i, Tuhan, sanga tu sude halak?” ning si Petrus manyapai.

LUKAS 12:41 Iomraidhean Croise

MARKUS 13:37

Sude na Hudok on tu hamu, laing Hupaboa do tu halak sudena: Jonggor ma hamu!”

MARKUS 14:37

Dung i mulak ma Jesus, hape didapot Ia ma tarpodom anak siseanNia i. Dung i didok Ia ma tu si Petrus, “O, Simon! Na tarpodom do ho? Hum sajom sajo pe inda tarbaen ho be jonggor?”

LUKAS 12:47

Naposo na umboto hagiot ni tuanna, hape nada hobas ia jana nada dibaen ia hagiot ni tuannia i, sisambohon do i sagogona.

LUKAS 12:48

Tapi anggo naposo na so umboto hagiot ni tuanna, dung i dibaen ia na sala mambaen angkon nisambok ia, asok do panyambokna tu naposo i. Angke halak na dung dilehen bahat, bahat muse do dituntut sian ia. Jana halak na dung gabe hasahatan ni bahat pos ni roha, bahat muse do dituntut sian ia.”

1 PETRUS 4:7

Na giot dapot ne ma ujung ni sasudena. Hara ni i, rajai hamu ma dirimunu jana torang ma rohamunu anso tarbaen hamu martangiang.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.