LUKAS 12:39 - BIBEL JAMITA NA DENGGAN

³⁹ Ingot hamu ma i! Anggo diboto nampuna bagas do sanga sadihari ro panangko, jago ma ia di bagasnia i, nada loasonnia buharon bagas i.

LUKAS 12:39 Iomraidhean Croise

MATEUS 24:42

Hara ni i, jonggor ma hamu, angke nada diboto hamu sanga andigan haroro ni Tuhanmunu.

MATEUS 6:19

“Ulang ma palagut arta hamu di portibi on. Harana anggo di portibi on adong do ngitngit dohot harat na manyegohon arta i. Dung i muse tarbungkar jana tartangko panangko do i.

2 PETRUS 3:10

Tapi anggo Ari haroro ni Tuhan na padua nolihon i, songon haroro ni panangko do i. Anggo di Ari i mago ma langit mardongan sora na gogo, jana mosok ma sude angka na adong di langit jana mago muse ma tano on dohot sude isina.

HALUMBAAN 16:15

“Ligi ma! Ro ma Au songon parro ni panangko! Martua do sanga ise na tongtong jonggor jana na manjagohon pakeanna, anso ulang salang-salang ia mardalan, jana anso ulang tarida hailaannia!”

HALUMBAAN 3:3

Jadi angkon ingotonmunu do mangulahi sanga aha na niajarkon tu hamu najolo, songon i muse dohot na nijagitmunu. I ma dalankon hamu jana pauba hamu ma rohamunu sian angka dosamunu. Anggo nada ngot hamu, ro ma Au songon panangko mandapotkon hamu; jana nada botoonmunu sanga sadihari Au ro.