LUKAS 12:16 - BIBEL JAMITA NA DENGGAN

¹⁶ Dung i dipaboa Jesus ma umpama on tu halahi, “Adong ma sada halak na kayo. Adong tanonia na napu na parohon suha bahat sajo.

LUKAS 12:16 Iomraidhean Croise

JOB 12:6

Hape ngolu ni panyamun so adong mangondam. Angka na puluk mangalo Debata mangolu do soada mara. Hape debata sisoada do diasangkonsa, i ma pos ni rohana hum tu gogona.

JOB 24:23

Dilehen Debata disia ngolu na sonang i, tapi nada marnamantak ia dimatai.

MASMUR 73:12

Songon i ma pangalaho ni parjahat, marjop ni roha di ngoluna, jana sinadonganna mur mabahat.

MASMUR 73:3

dibaen mangiburu do au mida halak siginjang roha, muda huida pardohar ni halak na jungkat.

JEHESKIEL 16:49

Ginjang pe roha ni Sodom dohot angka huta pagaranna hara ni bahatna do balanjo simpanan ni halahi boti tenang do tarbaen halahi mangolu jana dame. Tapi nada diparrohahon halahi halak na pogos dohot na dangol.

HOSEA 2:8

Nada jungada dioku inangmi paboa Au do na mangalehen gandum, anggur, miak zetun dohot sere dohot perak bage na nipakenia i laho marsomba Baal i.

MATEUS 13:8

Tapi adong muse do antong same i na madabu tu tano na napu. Marbatu ma anggo i. Adong na saratus lompit parbatuna. Adong na onom pulu lompit, adong na tolu pulu lompit.

MATEUS 5:45

anso gabe dakdanak ni Amangmunu na di banua ginjang i hamu. Harana dipabincar Debata do mataniari tu halak na burju dohot tu halak na jahat pe. Diparo Ia do udan tu halak na tigor dohot tu halak na geduk roha.

LUKAS 12:15

Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 12:17

Marpikir ma ia di bagasan rohania, ‘Aha ma ulaning sibaenonku saonnari? So adong inganan panyimpanan ni sude suha ni artangki.

BAENON NI ANGKA RASUL 14:17

Tapi nada lupa Ia mangalehen angka bukti taringot tu diriNia, markite-hite na mambaen na denggan. Dilehen Ia do udan tu hamu sian langit i dohot suha ni tano marguru tu hatihana. Dilehen Ia do balanjo di hamu jana dipasonang Ia do rohamunu.”