LUKAS 12:15 - BIBEL JAMITA NA DENGGAN

¹⁵ Dung i didok Jesus ma hata tu sude halak na disi, “Manat jana jagohon hamu ma dirimunu, angke haru bahat sajo pe arta ni halak, nada marguru tu sinadonganna i anggo ngoluna.”

LUKAS 12:15 Iomraidhean Croise

1 RAJA-RAJA 2:40

dipayakkon ia ma palano tu halodenia, lalu kehe ia tu Raja Akhis di Gat laho manjalahi naposonia i. Dapot ia ma halahi lalu dioban ia mulak.

JOB 2:4

Tapi dialusi Sibolis i ma, “Ummarga do da hosa sian arta. Ra do jolma mangambungkon sude sinadonganna asalkan ma laing mangolu ia.

MASMUR 10:3

Halak na jahat manghatahon na nihalungunkon ni rohana, halak na lahap mamurai jana manulak Tuhan.

MASMUR 37:16

Haru pe saotik sinadongan ni halak na burju, ummarga dope i sian arta ni jolma na durako.

MASMUR 62:10

Ulang arop rohamu di angka barang na nirampas, jana ulang marpangunsandean tu angka na nirampas. Muda pe martamba hakayoanmu, ulang lohot tusi rohamu.

PODA 15:16

Gumonan do na miskin tapi mabiar tu Tuhan, ulang pado kayo mardongan sak ni roha.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 28:16

Kejam do pambaen ni parkuaso na so adong parbinotoanna, mamarenta do ia martaon-taon muda dihagigihon ia hageduhan.

JEREMIA 6:13

Marsijalahi untungna be do halahi sude sian dalan na so patut, na menek dohot na magodang. Salang panurirang pe dohot malim margabus do tu halak.

JEHESKIEL 33:31

Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.

MIKA 2:2

Muda por roha ni halahi di sada ladang, dirampas halahi do i. Muda por roha ni halahi di sada bagas, dirampas halahi sajo do i. Muda dung abis hartona dirampas, angka koum sisolkot pe nada be sonang.

HABAKUK 2:9

Hona bura ma ho! Dipagukguk ho arta tu dongan sabagasmu marhite untung na dapotmu sian hakejamon, anso aman bagasmu sandiri jana dao sian hasusaan dohot parmaraan.

MARKUS 7:22

na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar.

LUKAS 12:16

Dung i dipaboa Jesus ma umpama on tu halahi, “Adong ma sada halak na kayo. Adong tanonia na napu na parohon suha bahat sajo.

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

LUKAS 8:14

Same na madabu tu tonga-tonga ni duri i, manggambarkon angka halak na manangihon hata i tapi ganggu do roha ni halahi jana por roha ni halahi di sinadongan boti lungun roha ni halahi marsonang-sonang di tano on. Sudena ma i mangkapit halahi mambaen halahi nada marbatuhon parbatu na matoras.

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

KOLOSSE 3:5

Hara ni i, matehon hamu ma angka hagiot ni portibi on na manyego-nyego dirimunu, i ma angka na mambaen na so ture, pangalaho na hodar, hisap ni sibuk, parhagiot na jahat, na songkal (halak na songkal sarupa do i dohot na marsomba gana-ganaan).

2 TIMOTEUS 3:2

Marsisarihon di ibana be do jolma i, sai giot kayo, sombong dohot na mamburas. Mangalayasi halak ma giot ni halahi, mangalo tu simatobangna, inda malo mandok tarimakasi, jana magigi tu angka pangalaho partondion.

IBRANI 13:5

Ulang dirajai hepeng ngolumunu, tapi hasonangkon hamu ma intap ni na adong di hamu. Angke madung didok Debata, “Nada padiaronKu ho jana nada tadingkononKu ho.”

JOSUA 7:21

Sian tonga-tonga ni angka barang na tarampas i, adong huida sada baju juba Babilonia na jeges sajo; huida muse perak hira-hira borat dua kilogram dohot sere sabatang marborat lobi satonga kilogram. Por sajo rohangku anso di au nian angka barang i, jadi gabe hubuat ma i. Hutabunihon do sudena i di bagasan tano di bandarki; perakna i ma di bagian partoru.”

2 PETRUS 2:14

Angke na so marnaloja do halahi mambaen dosa, jana mangaligi dadaboru ma giot ni halahi dohot mata na sai giot markamainan. Jana sanga ise na gale haporsayaanna, hona jorgong ma i baenon ni halahi. Madung somal roha ni halahi di angka hagiot na so denggan. Angka jolma na hona bura do halahi!

2 PETRUS 2:3

Hara ni na ahut tu dirina, caritohonon ni angka guru pargabus i ma tu hamu angka carito na nibaen ni halahi sandiri anso dapotan untung halahi sian hamu. Tapi anggo panguhuman laho manguhum halahi madung tibu dipasingkop jana hamagoan na dung ditontuhon pe tu halahi madung paintehon tu halahi.