LUKAS 12:12 - BIBEL JAMITA NA DENGGAN

¹² angke ajaran ni Tondi Parbadia do hamu sanga aha sidokkononmunu di hatiha i.”

LUKAS 12:12 Iomraidhean Croise

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

MATEUS 10:19

Tapi muda dioban hamu anso niadilan, ulang sak rohamunu taringot tu hata sidohononmunu sanga taringot tu pangkataimunu bagi na tarbia. Harana, sanga aha pe na giot sidokkononmunu disi, jolo paboaon do i tu hamu.

MATEUS 10:20

Nada hamu na giot mangkatai disi, Tondi ni Ama na di banua ginjang i do, tapi markite-hite hamu.

LUKAS 12:13

Adong ma sahalak sian halak na bahat i na mandok tu Jesus, “O Gurunami, dokkon ma jolo tu dangkang anso dilehen ia di au deba arta tean-teanan sian simatobangnami na nitadingkonnia di hami.”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

BAENON NI ANGKA RASUL 4:8

Dialusi si Petrus na nigohan ni Tondi Parbadia i ma, “Hamu angka tuan pamimpin ni bangso on, dohot angka hatobangon!

BAENON NI ANGKA RASUL 6:10

Tapi nada tarsoadahon halahi sanga aha na nidok ni si Stefanus i, harana madung dilehen Tondi Parbadia disia hamaloan mandok hata.

BAENON NI ANGKA RASUL 7:55

Tapi ditatap si Stefanus na nigohan ni Tondi Parbadia i ma tu langit. Diida ia ma hasangapan ni Debata dohot Jesus na jongjong di siamun ni Debata.