LUKAS 12:1 - BIBEL JAMITA NA DENGGAN

¹ Marribu halak na marsisohan jabat adong na tardege-dege patna i. Jadi taran marrongoman jolma i mandok hata ma Jesus, lumobi tu angka siseanNia i, “Jago ma hamu maradopkon ragi ni halak Parise, i ma pangalancapon ni halahi.

LUKAS 12:1 Iomraidhean Croise

2 RAJA-RAJA 7:17

Topet muse ma hatiha i pangawal ni raja i disuru manjagoi pintu horbangan ni kota i. Mate disi ma ia tardege-dege halak na bahat i. Laing tulus ma tarjadi songon na nidok ni si Elisa tu raja di na ro raja i mandapotkon ia.

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

JOB 27:8

Adong ma he siaropon ni roha ni halak na so hasaya di na ro Debata manunggu hosana?

JOB 36:13

Sanga ise na so marTuhan disimpansa do muruk ni roha; maradu diuhum Tuhan, na so ra do halahi mangido partolongan.

JESAYA 33:14

Humitir hara ni biarna angka halak pardosa na di Sion. Didok halahi, “Adong dope he sian hita na tahan di bagasan api na mangabiskon on? Adong dope he na tarbaen manahan di api na manongtong i?”

LUKAS 11:44

Marjaya ma hamu! Songon tanoman na so martanda do hamu, di dege-dege halak sian na so binotona!”

LUKAS 12:56

Hamu angka pangalancap! Diboto hamu do mangaligi tanda-tanda di langit an dohot di tano on. Biasi nada tarbaen hamu marnida angka tanda ni hatiha on?”

LUKAS 5:1

Di sada hatiha dompak jongjong Jesus di topi ni Dano Genesaret marsosak do bahat halak laho manangihon jamita na sian Debata.

LUKAS 5:15

Tapi mur tarbarita ma taringot tu Jesus, bahat muse ma halak marroan manangihon Ia, songon i muse na mangido hamalumon sian nyae ni halahi be.

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

BAENON NI ANGKA RASUL 21:20

Dung dibege halahi na nipajojor ni si Paulus i, gabe sude ma halahi mamuji Debata. Dung i didok halahi ma tu si Paulus, “Dongannami si Paulus! Angkon botoonmu do na dung marribu-ribu do halak Jahudi na porsaya. Burju-burju do halahi sudena mangoloi Tona i.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

IBRANI 12:22

Tapi anggo hamu, Dolok Sion noma na niadopanmunu bope Kota Ni Debata na mangolu, i ma Jerusalem na di banua ginjang dohot surusuruanNa na marribu-ribu.

JAKOBUS 3:17

Tapi sanga ise na maruli habisuhon na ro sian ginjang, na parjolo: Na ias do i, dung i pardame, na burju dohot na ra mangoloi. Gok do i dohot ibo ni roha bope na pataridahon angka parange na denggan. Nada ganggu rohana jana nada mangalancap.

1 PETRUS 2:1

Antong, ambungkon hamu ma sian dirimunu sandok na jat; ulang be hamu margabus jana ulang be mangalancap. Ulang mangiburu jana ulang mandok hata na jat hamu taringot tu dongan.