LUKAS 11:8 - BIBEL JAMITA NA DENGGAN

⁸ Hudok ma di hamu: “Haru pe dongannia ho, nada ra be ia ngot laho mangalehen bagi aha di ho. Tapi hara ni sai torus do ho mangido tusia, gabe ngot muse ma ia laho mangalehen tu ho sanga aha na nihaporluhonmi.

LUKAS 11:8 Iomraidhean Croise

PAMUNGKAAN 32:26

Jadi ning bayo i ma, “Padiar ma kehe au; santongkin nari torang ma ari.” Dialusi si Jakob ma, “Nada hupaloas ho kehe anggo so jolo dipasupasu ho au.”

LUKAS 11:7

Sugari didok donganmu na nitopotmi songon on, ‘Ulang ho pasusa-susahon tu au! Madung nigoruk pintu jana madung modom au dohot angka dakdanakku. Nada tarbaen au be ngot laho mangalehen sanga na aha di ho.’ ”

SURAT NI SI PAULUS TU PARLAGUTAN ROM 15:30

Hara ni Tuhanta Jesus Kristus dohot hara ni holong ni roha na nilehen ni Tondi i, gomos ma hupangido tu hamu angka dongan, anso dohot ma nian hamu marsitutu martangiang rap dohot au tu Debata taringot tu au.

2 KORINTUS 12:8

Tolu noli ma hutangiangkon tu Tuhan taringot tusi. Hupangido, sugari dibuat ma nyae i sian pamatangku.

KOLOSSE 2:1

Giotku sugari diboto hamu ma nian sanga na bia parjuanganku di bagasan rohangku hara ni hamu bope hara ni halahi na di Laodikea dohot sude na so mananda au sandiri dope.

KOLOSSE 4:12

Tabe ni si Epafras di hamu. Laing sian hamu on do asalnia. Naposo ni Jesus Kristus do ia, na sai manangiangkon hamu. Marsitutu do ia mangido tu Debata anso margogo hamu nian jana anso tongtong togu; boti muse anso laing mardongan pos ni roha na togu hamu mangoloi hagiot ni Debata.

HAKIM-HAKIM 14:17

Salolot pesta na pitu ari i, torus ma tangis dadaboru ni si Simson i. Jana hara ni na sai murngis-urngis i, jadi di ari papituhon dipaboa si Simson ma astuan ni huling-kulingan i tusia. Dipaboa dadaborunia muse ma tu angka halak Pilistin i.

1 SAMUEL 1:12

Honok sajo do si Hanna na martangiang i, jana diparrohahon si Eli do pamangan ni anak boru i.