LUKAS 11:54 - BIBEL JAMITA NA DENGGAN

⁵⁴ Jana manat ma dibaen halahi laho padapotkon sanga aha na sala sian pandohan ni Jesus.

LUKAS 11:54 Iomraidhean Croise

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

MATEUS 22:15

Dung i kehe ma halak Parise i anso rap martahi manjalahi dalan sanga na bia baenon anso tardapot halahi Jesus di hasalaanna muda disapai halahi.

MATEUS 22:18

Diboto Jesus do na jahat roha ni halahi, jadi didok Ia ma, “Pangalancap do hamu! Biasi ma jalak-jalahanmunu hasalaanKu?

MATEUS 22:35

Jadi ro ma sahalak sian halahi Siboto Surat mancubo-cubo manjalahi hasalaan ni Jesus markite-hite sapa-sapa.

MARKUS 12:13

Disuru ma sanga na piga halak Parise dohot angka anggota ni si Herodes laho manjalahi hasalaan ni Jesus marhite angka sapa-sapa.

MARKUS 3:2

Topet muse adong disi halak na giot manjalahi hasalaan ni Jesus, anso taraduhon halahi Ia. Jadi torus ma sai diparate-atehon halahi Jesus sanga na ra do Ia pamalumkon hatiha Ari Sabat.

LUKAS 11:53

Jadi dung ruar Jesus sian inganan i, disosak angka Siboto Surat dohot halak Parise i ma Ia, marragam do angka sapa-sapa dibaen halahi tuSia.

LUKAS 20:20

Jadi sai dijalahi halahi ma hatiha na denggan. Dilehen halahi ma hepeng sogok tu halak na gabe kaki tangan ni halahi jana disuru halahi ma angka kaki tangan i mangalancap songon halak na burju laho mangonjap Jesus markite-hite sapa-sapa, anso tarpasahat halahi Jesus tu toru ni kuaso ni gubernur.

LUKAS 20:26

Jadi tangkas ma di jolo ni halak na bahat i, na so tarbaen halahi padapot hasalaan ni Jesus. Tarkohom jana homang be roha ni halahi hara ni alusNia.

BAENON NI ANGKA RASUL 23:21

Tapi ulang ma dioloi tuan i pangidoan ni halahi i, angke adong do lobi opat pulu halak na dung martabuni laho mangadang ia di dalan i. Na dung marsumpa do halahi sude na so mangan sanga minum anggo so jolo dibunu halahi si Paulus. Jadi saonnari pe madung rade halahi; na hum paintehon alus sian tuan i sajo noma halahi.”