LUKAS 11:48 - BIBEL JAMITA NA DENGGAN

⁴⁸ Hamu sandiri pe dioku hamu do na satuju hamu tu angka pambaenan ni angka ompungmunu i. Angke halahi ma antong na mamatehon angka panurirang i jana hamu ma na pajongjong angka tugu di ginjangna.

LUKAS 11:48 Iomraidhean Croise

2 JUJUR TAON 36:16

Hape diparmayam-mayam halahi do angka utusan ni Debata i, dipartatai halahi angka panurirangNia jana nada ditangihon halahi hatana. Ujungna sun ma muruk ni Tuhan tu halahi jadi gabe nada adong be dalan ruar di halahi.

JOB 15:6

Nada porlu hutuhas ho sanga na hupasala, angke niaduhon ho hara ni angka hatamu sandiri do.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

JEHESKIEL 18:19

Tapi ra adong do halak na marsapa biasi nada dohot anakna i mananggung panginona ni angka dosa ni amangna i. Anggo alus ni i, songon on do: Angke burju jana tigor do antong anaknia i. Burju do dioloi angka tona na sian Au jana torus do i didalankon ia, jadi gabe tongtong ma ia mangolu.

MATEUS 23:27

Marjaya ma hamu angka Siboto Surat dohot angka Parise! Pangalancap do hamu! Songon kuburan na nikapur do hamu. Jeges idaon sian duru hape holi-holi ni jolma na marbusuhan do gok di bagasan.

MATEUS 23:31

Jadi, dioku hamu sandiri do, pomparan ni angka sibunu panurirang hamu!

LUKAS 11:47

Marjaya ma hamu! Dibaen di pauli hamu do tanoman ni angka panurirang na nimatehon ni angka ompungmunu.

LUKAS 11:49

Hara ni i didok habisukon ni Debata i ma, ‘Husuru ma angka panurirang dohot angka rasul tu halahi, jana deba sian angka panurirang dohot sian angka rasul i bunuon jana parkancitan ni halahi ma.’

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

JAKOBUS 5:10

Ligi hamu ma angka panurirang na mandok hata mangasahon goar ni Tuhan. Sobar do halahi jana tahan manaon parkancitan. Jadi, halahi ma baen hamu gabe tiruan.

JOSUA 24:22

Dung i didok si Josua ma, “Antong, hamu sandiri ma saksina paboa na dung diputuskon hamu laho mangoloi hum tu Tuhan.” “Na tutu ma i,” ning halahi mangalusi, “hami sandiri ma saksina.”