LUKAS 11:41 - BIBEL JAMITA NA DENGGAN

⁴¹ Na adong di bagasan mangkuk dohot pingganmunu i, i ma nian silehenonmunu tu angka halak na pogos. Di pangalaho na songon i ma gabe ias sudena i di hamu.

LUKAS 11:41 Iomraidhean Croise

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

MASMUR 41:1

Martua ma halak na mamparrohahon jolma na gale; urupan ni Tuhan do ia di hamamasa ni hasusaan.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

MATEUS 26:11

Tongtong do adong na pogos rap dohot hamu, tapi anggo Au nada tongtong rap dohot hamu.

MATEUS 5:42

Muda adong halak na mangido bagi aha tu ho, lehen sajo ma songon i. Ulang pola tulak halak na giot manginjam sanga aha sian ho.”

MARKUS 7:19

Angke inda tu bagasan roha na masuk i, tapi tu butuha do. Dung i ambung ma sian pamatang.” (Jadi sian pangkataion i didok Jesus, halal do sude sipanganon.)

LUKAS 12:33

Gadis ma sude sinadonganmunu, jana lehen hamu ma i gabe asi-asi. Pature hamu ma di hamu angka huncang na so ra buruk, arta parbanua ginjang na so ra abis, na so hadonohan ni panangko jana nada tarpasego ngitngit.

LUKAS 16:9

Dung i mandok hata ma Jesus mangulahi. Didok Ia ma, “Tangihon hamu ma jolo on: Pargunahon hamu ma mammon na geduk laho manjalahi dongan, anso dijagit hamu di inganan na hot muda dung so adong be sinadongan na di tano on.

LUKAS 18:22

Umbege na songon i, didok Jesus ma tusia, “Laing adong dope sada nari na angkon sibaenonmu: Gadis ma sude na adong di ho, jana lehen ma i tu halak na pogos; anggo i dapot ho ma arta na di banua ginjang. Dung i beta ma ihutkon Au.”

LUKAS 19:8

Jongjong ma si Zakeus didok ia ma tu Tuhan i, “O Tuhan, satonga sian artangku hulehen ma tu halak na pogos; jana sanga ise na unjung hutipu, hugarar pe mangulahi tusia opat noli lompit!”

BAENON NI ANGKA RASUL 10:15

Didok sora i ma mangulahi tusia, “Sanga aha na nihalalkon ni Debata, ulang ma etong na haram i.”

BAENON NI ANGKA RASUL 11:29

Jadi saroha ma sudena angka na porsaya i tu Jesus laho manongos pangurupion tu angka dongan na tinggal di Judea; marguru tu gogona be ma ditongos.

BAENON NI ANGKA RASUL 24:17

Dung adong sanga piga-piga taon ro ma au muse tu Jerusalem, mulak ma au laho pasahatkon hepeng pangurupion tu bangsongku, bope laho pasahatkon haul tu Debata.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

EPESUS 4:28

Angka panangko, ulang be manangko. Tapi gumonan ma ia markarejo anso dapot ia balanjonia markite-hite dalan na tigor jana anso tarurupi ia halak na hurangan.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

JAKOBUS 1:27

Haburjuon marugamo na ias jana na so martihas diadopan ni Debata Amanta, on do: Manyarihon na so marama so marina dohot angka na mabalu na mardangol; dohot na manjagohon dirina sandiri anso ulang sego dibaen portibi on.