LUKAS 11:4 - BIBEL JAMITA NA DENGGAN

⁴ Sesa ma angka dosanami, songon hami manyesa dosa ni sude na marsala di hami. Ulang pamasuk hami tu bagasan pandugaan.’ ”

LUKAS 11:4 Iomraidhean Croise

PAMUNGKAAN 48:16

Ia do Surusuruan na paluahon au sian sandok parmaraan. Sai Debata i ma na mamasumasu dakdanak on. Sai hot ma mangolu goarku dohot goar ni si Abraham dohot si Ishak hara ni angka dakdanak on! Sai gabe ma hamu jana mur martamba bahat pomparanmu!”

1 RAJA-RAJA 8:34

sai tangihon ma i di banua ginjang. Sai ampuni ma dosa ni bangsoMi, jana oban halahi mulak tu luat na dung nilehenMu tu ompu ni halahi.”

1 RAJA-RAJA 8:36

sai tangihon ma i di banua ginjang. Sai sesa ma angka dosa ni bangsoMu Israel dohot raja ni halahi. Ajari ma halahi mambaen na tigor. Dung i ale Tuhan paro ma udan di luatMon, luat na dung nilehenMu tu bangsoMu gabe teanan ni halahi ro di salolot ni lolotna.”

MASMUR 121:7

Jagohonon ni Tuhan ma ho sian parmaraan, jagohononNia do ho anso marhasonangan.

MASMUR 25:11

Tuhan, songon janjiMi ampuni ma au, angke bahat situtu do dosangku.

MASMUR 25:18

Ligi ma pardangolan dohot hasompitanku, jana sesa ma sude dosangku.

DANIEL 9:19

Ale Tuhan, tangihon ma hami, sesa ma dosanami, parrohahon ma hami jana urupi ma hami! Ulang be palolot-lolot, anso sude halak umboto Ho do Debata. Ho do nampuna kota on dohot bangso on.”

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

MATEUS 18:35

Laho paujungkon caritoNia i Jesus, didok Ia ma, “Songon i muse ma baenon ni Damang na di banua ginjang i tu hamu, anggo inda ias rohamunu mangampuni donganmunu.”

MATEUS 26:41

Jonggor ma hamu, martangiang bage hamu anso ulang talu hamu dibaen pandugaan i. Denggan do nian anggo roha ni jolma, tapi gale do pamatang.”

LUKAS 11:5

Didok Jesus ma tu halahi, “Sugari adong sian hamu na kehe tu bagas ni donganna tonga borngin, mandok tusia, ‘Painjamkon ma jolo dongan tu au tolu kibung roti,

LUKAS 13:4

Bia muse ma sisalapan bolas halak na mate di Siloam, na nitinggang ni palas-palas halahi? Ning rohamunu i ma patuduhon na bahatan dosa ni halahi sian pado sude angka halak na asing na maringanan di Jerusalem?

LUKAS 22:46

Dung i didok Ia ma tu halahi, “Biasi dehe modom hamu? Ngot ma hamu, martangiang ma anso ulang madabu hamu tu pandugaan.”

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

JOHANNES 17:15

Nada Hupangido anso diparuar Damang halahi sian portibi on tapi on do na Hupangido, anso dijagohon Damang halahi maradopkon si Jahat i.

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.

KOLOSSE 3:13

Angkon sobar do hamu maradopkon dongan jana marsimaapan muda adong na so tabo pangkilalaanna tu donganna. Madung di ampuni Tuhan hamu, jadi hamu pe angkon marsiampunan do sama hamu.

2 TESSALONIKA 3:3

Tapi haposan do anggo Tuhan i. PatoguonNia do hamu jana jagohononNa sian na jahat.

2 TIMOTEUS 4:18

Sai paluaon ni Tuhan Jesus do au tongtong sian sude usaho na jat maradopkon au. BoanonNia do au lopus tu bagasan HarajaanNia di banua ginjang. Sipasangapon do Ia salolot-lolotna! Amen.

JAKOBUS 2:13

Angke sanga ise halak na so maribo ni roha tu halak na asing, sidabuon do uhuman tusi so pola mardongan ibo ni roha. Tapi gumogo dope ibo ni roha ulang uhuman!

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.

HALUMBAAN 3:10

Hara ni na dung nioloanmunu parentangKu anso sobar hamu, Au pe jagohononKu ma hamu anso laing horas torkis hamu mamolus hasusaan na giot masa tu sude portibi on. I ma na giot tarjadi laho manguji sasude jolma na satano on.