LUKAS 11:39 - BIBEL JAMITA NA DENGGAN

³⁹ Gabe didok Jesus ma tusia, “Tutu do i anggo halak Parise somal do dipaias hamu mangkuk dohot pingganmunu sian duru sajo tapi anggo di bagasan dirimunu sandiri gok dohot na nisamun dohot hajahatan do.

LUKAS 11:39 Iomraidhean Croise

PAMUNGKAAN 6:5

Di na nipamanat ni Tuhan, hape na sun do jahat ni jolma i sude di tano on, boti santak ni busuk ni angka pikiran ni halahi,

2 JUJUR TAON 25:2

Dipatupa si Amasia do na pasonangkon roha ni Tuhan, tapi sian na mardua roha.

MASMUR 22:13

Rap ngangang be pamangan ni halahi mangadopi au, songon singa na marngaur giot manangkup sipolgahonna.

PODA 26:23

Songon hudon tano na disopu dohot perak, songon i ma halak parhata lancap tapi marroha na jat.

PODA 26:25

Haru pe rama ia, ulang iba porsaya; angke gutgut do manggohi rohana.

PODA 30:12

Adong do halak na mangetong ias dirina hape nian na santak do hodarna.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 22:25

Songon singa na marngaur dung manyoro do angka pamimpin ni halahi. Dibunu halahi do rayat i, dirampas halahi do sude arta dohot sinadongan na dapot halahi jana patunda ni halahi gabe bahat dadaboru gabe mabalu.

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

ZEPANYA 3:3

Songon singa na marngaur-ngaur do angka pamimpin ni kota i. Angka hakimna pe songon angka sorigala na malean do; santak do lahap ni halahi, sada holi-holi pe nada adong na tading tu ancogot ni halahi.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

MATEUS 7:15

“Jago-jago ma hamu tu angka panurirang pargabus. Songon biri-biri do idaon haroro ni halahi tu hamu, tapi anggo di bagasan satutuna songon sorigala panyoro do halahi.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 7:19

disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

JOHANNES 12:6

Didok si Judas pe songon i nada na mangarohahon halak na pogos ia, tapi hara ni na panangko do ia. Madung somal ia mambuati hepeng sian hepeng ni halak na dipasimpankon disia.)

JOHANNES 13:2

Mangan ma Jesus dohot angka siseanNia borngin i. Madung disuan Sibolis i tu bagasan roha ni si Judas anak ni si Simon Iskariot roha na giot manghianat tu Jesus.

BAENON NI ANGKA RASUL 5:3

Tapi didok si Petrus ma tusia, “Ale Ananias, biasi dehe dipadiar ho Sibolis mangarajai rohamu, jabat margabus ho tu Tondi Parbadia, jana sip-sip ho manabunihon di ho sandiri deba sian hepeng tuhor ni tano i?

GALATIA 1:14

Anggo taringot tu na mandalankon haporsayaan Jahudi do, husalpui dope sude halak Jahudi na sangoncap dohot au. Marsitutu do au anggo taringot tu angka pangalaho na mardomu tu adat ni angka ompungku.

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

TITUS 1:15

Ias do sude sanga aha pe anggo di halak na ias. Tapi anggo di halak na hodar pikiranna jana na so porsaya tu Debata, sada pe nada adong na ias, angke madung hodar pikiran ni halahi dohot taroktokna!

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.