LUKAS 11:36 - BIBEL JAMITA NA DENGGAN

³⁶ Muda sude pamatangmi hona sinondang jana nada adong be deba na golap, gabe torang sajo ma sude pamatangmi, sarupa ma i tu hatiha na nisondangan ni cahaya ni lampu ho.”

LUKAS 11:36 Iomraidhean Croise

PODA 1:5

Marhite angka poda on, mur martamba do parbinotoan ni halak na bisuk, jana halak na pistar pe gabe dapotan panogu-noguon.

PODA 20:27

Dilehen Tuhan do di hita panggora ni roha anso dirinta sandiri bolas tandaonta.

PODA 6:23

Angke songon palito do poda i; jana dalan hangoluan sipaingotna.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JESAYA 8:20

Songon on ma dok alusna, “Tangihon ma ajaran ni Tuhan! Ulang patangi-tangi datu. Nada adong guna ni na nidok ni halahi di ho.”

HOSEA 6:3

Hara ni i, tahaburjuhon ma laho mananda Tuhan. Pasti do ro Ia tu hita songon parbincar ni mataniari jana songon udan na mangaehi tano di ujung ni ari nonat.”

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”

MATEUS 5:15

Nada adong halak na manutung lampu, dung i ditutupi ia dohot belek. Tu inganan ni lampu do i dibaen halak, anso torang sude idaon ni halak na di bagas i.

LUKAS 11:35

Antong hara ni i manat-manat ma hamu anso ulang sanga golap na torang na di bagasan ho i.

LUKAS 11:37

Dung sidung Jesus mandok hata, diontang sada halak Parise ma Ia mangan tu bagasna; dung i masuk ma Ia, juguk jana mangan.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

IBRANI 5:14

Anggo panganon na pir, tu halak na dung magodang do i, harana madung malo ia paasingkon sanga dia na denggan dohot mandok sanga dia na jat.

JAKOBUS 1:25

Sanggam do tona i jana margogo do i laho mambaen jolma gabe mardeka. Jana sanga ise na manangkasi dohot na mamparrohahon dohot denggan bope na patuluskon angka parenta i, jana nada hum na manangihon sajo jana mangkalupahonsa, martua ma halakna i di sude pangalaho na nibaennia.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.