LUKAS 11:26 - BIBEL JAMITA NA DENGGAN

²⁶ Dung i dipio ia ma pitu nari tondi na hodar na dao jumahat sian ia. Dung i ro ma halahi jana maringanan di bagasan halakna i mangulahi. Ujungna mur jumatjat ma pangalahona sian na parjolo i.”

LUKAS 11:26 Iomraidhean Croise

ZEPANYA 1:6

AbiskononKu ma halahi na so ro tu Au sanga na so mangido panogu-noguon tu Au dohot na dung marbalik manadingkon Au jana na so ra be mangihutkon Au.”

MATEUS 12:45

Dipiohon ia ma pitu nari tondi na asing na jumahat sian ia. Dung i masuk ma halahi tu pamatang ni jolma i, disi ma halahi maringanan. Gabe mur jumahat ma pangalaho ni halakna i sian na parjolo i. Songon i muse ma na masa tu na sasundut na jahat on.”

MATEUS 23:15

Marjaya ma hamu angka Siboto Surat dohot halak Parise! Angka pangalancap do hamu! Kehe do hamu taripar laut tu na dao laho mangelek-elek sada halak anso masuk mangihutkon ugamomunu. Dung diihutkon ia ugamomunu i, hape na giot pamasuhonmunu do ia tu narako, dua noli lompit jahatna sian hamu sandiri!

LUKAS 11:25

Jadi dung mulak ia mangulahi tu bagas i, madung ias jana maratur bagas i didapot ia.

LUKAS 11:27

Dung didokkon Jesus songon i, mangkatai ma sada anak boru sian halak na bahat i. Didok ia ma tu Jesus, “Martua ma dadaboru na manubuhon dohot na pasusuhon Ho!”

JOHANNES 5:14

Dung i marsuo ma Jesus dohot bayo i di Bagas Ni Debata. Didok Jesus ma tusia, “Saonnari madung malum ho; ulang be datdati mardosa. Angke muda mambaen dosa dope ho, na jumatjat sian on dope taononmu saulahon.”

1 JOHANNES 5:16

Muda adong diida hamu dongan Kristen mambaen dosa na so pola mambaen hamatean, sitangiangkononmunu do i tu Debata; jana lehenon ni Debata ma ngolu di halak na songon i, i ma tu halak na mambaen dosa na so pola mambaen hamatean i. Tapi adong do dosa na mambaen hamatean, jana nada hudok anso tangiangkononmunu dosa na songon i tu Debata.