LUKAS 11:24 - BIBEL JAMITA NA DENGGAN

²⁴ “Muda dung ruar tondi na hodar sian sada-sada halak mardalani ma tondi na hodar i di inganan na hiang laho manjalak-jalahi inganan paradianan. Jana muda nada dapot di inganan i, ning ia ma di bagasan rohania, ‘Mulak noma au mangulahi tu inganan na hutinggalkon i!’

LUKAS 11:24 Iomraidhean Croise

JOB 1:7

Disapai Tuhan ma tusia, “Sian dia ho?” Dialusi Sibolis ma, “Na baru madang-adang dope au pahae-pahulu jana hubolusi sude portibi.”

JOB 2:2

Jadi disapai Tuhan ma tusia, “Sian dia ho?” Dialusi Sibolis ma, “Na sian paradang-adangan do au pahae-pahulu mamolusi portibi.”

MASMUR 63:1

Ale Debata, Ho do Debatangku hujalahi jana huhalungunkon do Ho. Songon tano gariang na mahiang na manguas di aek, songon i ma tondingku manguas di Ho.

PODA 4:16

Nada tarpodom halak na jahat anggo so jolo mambaen na so ture. Nada ra halahi mondohondok anggo so jolo mangago halak na asing.

JESAYA 35:7

Pasir na milas gabe ambar, tano na harsang aekna marjabar-jabar. Na somal inganan ni anjing harangan, gabe hatubuan ni duhut dohot pandan.

JESAYA 44:3

Tano na manguas Hupabutong dohot aek, di tano na harsang, mardalan ma batang aek. DuruskononKu ma kuasongKu tu angka dakdanakmu, jana Hupasupasu pomparanmu.

JESAYA 48:22

“Nada adong hadameon di halak parjahat!” ninna Tuhan.

MARKUS 5:10

Dung i gomos ma dipangido ia, anso ulang disuru Jesus angka setan i morot sian inganan na humaliang disi.

MARKUS 9:25

Dung diida Jesus, ma mamungka mur ribur halak, dipaorot Ia ma setan i haruar. Ning Ia ma, “Ho tondi na mambaen maingol jana na mambaen ngungu, Hudok tu ho, haruar ma ho sian dakdanak on, ulang be masuk ho tusia sanga andigan!”

LUKAS 11:25

Jadi dung mulak ia mangulahi tu bagas i, madung ias jana maratur bagas i didapot ia.

EPESUS 2:2

Angka hasomalan ni portibi on do dipaolo-oloi hamu hatiha i; astuanna, tunduk tu angka parkuaso ni harajaan na di awang-awang i do hamu, i ma tondi na laing mangela-ela roha ni angka halak na so ra tunduk tu Debata saonnari.

1 PETRUS 5:8

Angkon hobas do hamu jana jonggor! Angke Sibolis do musumunu. Songon singa do i na res pahae res pahulu na mangorong soroanna.